Мы не можам змяніць мінулае, але ў нашых сілах абараніць будучыню

Мітынг-рэквіем да Дня ўсенароднай памяці ахвяраў Вялікай Айчыннай вайны прайшоў у гарадскім скверы Дзятлава

22 чэрвеня 1941 года – сакральная дата ў нашай гісторыі. На Беларусь абрынулася выпрабаванне, цяжар якога навечна пакінуў глыбокі след у народнай памяці.

Каля мемарыяла – брацкай магілы воінаў Чырвонай Арміі і партызанаў, загінулых пры вызваленні Дзятлаўскага раёна, і магілаў Герояў Савецкага Саюза Я. Я. Фогеля і П. Г. Пятрова сабраліся прадстаўнікі раённай улады, працоўных калектываў, сілавых структур, грамадскіх аб’яднанняў, ветэранскіх, прафсаюзных, піянерскай арганізацый, педагогі і навучэнцы школ райцэнтра.

Да прысутных звярнуўся старшыня раённага выканаўчага камітэта Андрэй Садоўскі:

– Сёння мы ўспамінаем тых, хто цаной свайго жыцця выканаў абавязак па абароне Радзімы, усіх, хто загінуў ад рук фашыстаў і памёр у тыле ад голаду і пазбаўленняў. У Беларусі няма ніводнай сям’і, якую не закранула б Вялікая Айчынная вайна. Трагічную дату яе пачатку мы павінны памятаць. Гэта не проста дата ў календары. Гэта сімвал мужнасці, стойкасці і нязломнай волі мільёнаў людзей, якія змагаліся на фронце, працавалі ў тыле, выстаялі ў блакадзе, прайшлі праз акупацыю і палон. Гэта подзвіг тых, хто не дажыў да мірных дзён, але чые імёны назаўжды ўпісаны ў гісторыю.

Прайшло нямала гадоў. Хацелася б ніколі не зведаць вайны, аднак мы бачым, што адбываецца ў суседніх краінах.

Як сказаў Прэзідэнт: “Пакуль мы ствараем помнікі, пакуль мы прыходзім да помнікаў, мы ваяваць не будзем. Мы пазбегнем гэтай страшнай трагедыі”.

І сёння тут, на сакральным месцы, з глыбокай удзячнасцю мы схіляем галаву перад мужнасцю і стойкасцю ўсіх, хто аддаў жыццё за свабоду цяперашніх і будучых пакаленняў. Вечная памяць, вечная слава героям і ўсім людзям, якія аддалі самае дарагое – жыццё, – за мірнае неба над галавой.

Удзельнікі мітынгу-рэквіема пачулі ўспаміны ўраджэнкі раёна Ганны Клешч пра першыя дні вайны на тэрыторыі Дзятлаўшчыны ў выкананні старшага навуковага супрацоўніка Дзятлаўскага гісторыка-краязнаўчага музея Вольгі Цюшляевай.

Памаліліся за душы загінулых разам з клірыкам сабора святых навамучанікаў і спаведнікаў Царквы Рускай Аляксеем Сцепановічам. Ён нагадаў падрастаючаму пакаленню, што на алтар Вялікай Перамогі былі пакладзены мільёны жыццяў. Таму наша задача – свята берагчы памяць загінулых, сваімі добрымі справамі славіць іх подзвігі.

Памяць герояў і ахвяраў Вялікай Айчыннай вайны была ўшанавана хвілінай маўчання.

Напрыканцы мітынгу прысутныя ўсклалі кветкі на магілы воінаў-вызваліцеляў.

Ірына КАМАРОВА

Фота Наталлі АВЯРЧУК

#БеларусьПомнит #нашчадкіПерамогі #кожны трэці #мірныя людзі

administrator

Recent Posts

22 июня в Дятлово состоится митинг-реквием

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

3 часа ago

С 19 июня за борщевик и золотарник на участке будет грозить штраф до 10 базовых величин

Новые нормы закреплены в Кодексе об административных правонарушениях. В первую очередь речь идёт о борщевике…

5 часов ago

«Ночь провели спокойно». Медики о состоянии пострадавших в Брянской области пациентов

Состояние всех пострадавших в Брянской области пациентов после первой проведенной в учреждениях здравоохранения Минска ночи…

5 часов ago

Первый укос трав проведен в Беларуси на 85% запланированных площадей

В Беларуси скошено трав первым укосом на площади 1200 тыс. га, что составляет 85% от…

5 часов ago

О результатах контроля за работой УКСа по выполнению им функций заказчика

Комитетом государственного контроля Гродненской области при проверке одного из районных управлений капитального строительства, выполняющего функции…

6 часов ago

Александр Лукашенко в ходе рабочей поездки в Узденский район ознакомится с развитием племенного животноводства

Президент Беларуси Александр Лукашенко в ходе рабочей поездки в Узденский район Минской области ознакомится с…

6 часов ago