Сёлета свой юбілейны дзень нараджэння адзначае наша зямлячка Людміла Саванец – педагог з паўвекавым стажам, якая ўсё яшчэ ў прафесійным страі.

Кожны дзень Людміла Васільеўна пераступае парог Раклевіцкага дзіцячага сада-базавай школы, каб вучыць дзяцей разумнаму, добраму, вечнаму.

Яна не толькі мудрая настаўніца, але і цікавы субяседнік, таму з задавальненнем падзялілася з землякамі гісторыяй свайго жыцця.

– Людміла Васільеўна, ваш прафесійны стаж пачаўся з 1972 года. Што стала матывам да выбару прафесіі?

– Настаўнікаў у сям’і Зенавых, дзе я нарадзілася, не было, але я яшчэ ў 10 класе цвёрда вырашыла, што стану настаўніцай матэматыкі. Па-першае, гэта было прэстыжна на той час, па-другое, любоў да прадмета мне прывіла Лідзія Лявонцьеўна Хомчык – мая любімая настаўніца.

– Пасля заканчэння Гродзенскага педагагічнага інстытута вы працавалі ў розных установах адукацыі. Дзе больш за ўсё падабалася?

– Працаваць люблю: сёлета спаўняецца 50 гадоў майго педагагічнага стажу. Пачынала ў Навасёлкаўскай сярэдняй школе Слонімскага раёна, дзе добрым дарадчыкам, мудрым кіраўніком была заслужаная настаўніца Беларусі Соф’я Канстанцінаўна Радзевіч. Затым былі Казлоўшчынскае ПТВ, школа рабочай моладзі. Калі сям’я пераехала жыць у Дзятлава, мяне запрасілі працаваць у раённы аддзел адукацыі інспектарам, курыравала усенавуч і дакладныя дысцыпліны. Аддзел тады ўзначальваў мудры педагог і цудоўны чалавек Уладзімір Антонавіч Гаўрон. На пасадзе інспектара я адпрацавала 24 гады, у 2007 годзе была ўзнагароджана нагрудным знакам Міністэрства адукацыі “Выдатнік адукацыі”.

Цяпер працую ў Раклевічах настаўніцай матэматыкі, стараюся ісці ў нагу з часам: “сябрую” з новымі тэхналогіямі і актыўна іх выкарыстоўваю. Увогуле, працаваць мне заўсёды было камфортна, бо лёс зводзіў з добрымі людзьмі і сапраўднымі прафесіяналамі сваёй справы.

– Вы пачынальніца настаўніцкай дынастыі?

– Амаль што так: двое з траіх маіх дзяцей атрымалі педагагічную адукацыю, настаўніцкія прафесіі абралі дзве мае нявесткі. Цяпер адзін з сыноў працуе дзяржаўным служачым, дачка і нявесткі – ва ўстановах адукацыі Гродна і Ашмян.

– А шасцёра ўнукаў?

– Яны ў мяне цудоўныя, я іх вельмі люблю. Трое старэйшых атрымалі і атрымліваюць больш прэстыжныя на сёння прафесіі, чым настаўніцкая. Спадзяюся, што хто-небудзь з малодшых мяне падтрымае і прадоўжыць педагагічную дынастыю.

– Ці шмат у вас сяброў?

– У гэтым сэнсе мне пашанцавала. Што б я без іх рабіла? І ў горы, і ў радасці яны побач – надзейныя сябры і добразычлівыя суседзі. Дзякуй ім за падтрымку.

– Чым любіце займацца ў вольны час?

– Яго ў мяне не так і шмат. Калі выдаецца, люблю глядзець інтэлектуальныя і спартыўныя перадачы, разгадваць сканворды, рашаць матэматычныя задачы, не супраць зайсці ў сацыяльную сетку “Аднакласнікі”, а калі збіраемся разам, люблю гатаваць смачныя стравы.

Жанна ЖЫХ ад імя прафсаюзнай арганізацыі Раклевіцкага дзіцячага сада-базавай школы

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

9 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

9 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

10 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

22 часа ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

23 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

24 часа ago