На стадыёне ў гарадскім пасёлку Наваельня сабралася шмат жадаючых адсвяткаваць Купалле – свята чароўнае, магічнае і крыху загадкавае.

Па павер’і, у гэтую асаблівую ноч могуць размаўляць усе расліны, жывыя істоты… і нават нечысць выходзіць са сваіх сховішчаў, каб напалохаць людзей, а каго і заманіць у ваду. Так і здарылася. Галоўная Русалка, Вадзянік і Ведзьма задумалі разлучыць закаханых Насценьку і Васілька, падманвалі іх, перашкаджалі сустрэцца. Але кемлівы Васілёк змог выканаць просьбу Вадзяніка – развесяліў яго, дарэчы, з дапамогай гледачоў, якія актыўна ўдзельнічалі ў гульнях, – і закаханыя зноў сустрэліся. І хоць у гэтую ноч Насценька і Васілёк не знайшлі папараць-кветку, яны знайшлі большае – сваё шчасце.

А свята было ў самым разгары. Юныя новаяльнянцы актыўна карысталіся магчымасцю паласавацца салодкай ватай, папкорнам, хот-догамі, пазабаўляцца на атракцыёнах. Дарослыя сустракалі бурнымі апладысментамі і падпявалі любімыя песні як сваім мясцовым артыстам, так і госці іх свята з Гродна – Але Аўдзейчык. У кагосьці на свяце быў такі добры настрой, што ён вырашыў усіх парадаваць невялікім салютам.

Усе, хто купіў перад святам латарэю, а то і не адну, чакалі таго моманту, калі ж пачнецца розыгрыш. І не расчараваліся: кожны атрымаў прыемны і карысны падарунак.

Адным з доўгачаканых момантаў свята было запальванне вялікага купальскага вогнішча, і калі яно поўнасцю разгарэлася, вельмі ўражвала і проста заварожвала.

Але свята на гэтым не скончылася: хтосьці весяліўся і танцаваў на дыскатэцы, а хтосьці, мабыць, пайшоў шукаць сваю папараць-кветку…

Сваімі ўражаннямі ад свята падзяліліся яго госці.

Ганна і Дзмітрый Касцюшка, жыхары горада Вільнюса Літоўскай Рэспублікі:

– Дзятлаўшчына – гэта наша малая радзіма. Мы кожны год прыязджаем сюды на гэтае свята. Радуе тое, што тут сабралася столькі многа гасцей, што зберагаюцца народныя традыцыі і да гэтага далучаецца моладзь.

Таццяна і Алег Урбановічы, жыхары горада Дзятлава:

– Мы прыехалі ў Наваельню усёй сваёй сям’ёй, з намі дзве нашы дачушкі. Яны паскакалі на батуце, пакаталіся з надзіманых горак. Вельмі спадабаўся канцэрт салісткі Гродзенскай філармоніі Алы Аўдзейчык, а вогнішча проста супер!

 

Святлана ГРЫШЫНА
Таццяна ГРЫЦУК
Вольга ЮШКЕВІЧ

 

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

7 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

7 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

8 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

20 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

21 час ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

22 часа ago