У жыцці маленькіх людзей часам здараюцца вялікія беды: жорсткасць дарослых, праблемы ў сям’і, алкагалізм бацькоў.
У такіх сітуацыях побач абавязкова павінны быць людзі, гатовыя працягнуць руку дапамогі, падтрымаць у самыя складаныя моманты жыцця.
Сацыяльна-педагагічны цэнтр горада Дзятлава сутыкаецца з неабходнасцю дапамагаць ненадзейным сем’ям у выхаванні дзяцей, накіроўваць і карэкціраваць недахопы сямейнага выхавання, негатыўнага ўплыву навакольнага асяроддзя, дзецям жа з гэтых сем’яў дапамагаем лягчэй уваходзіць у розныя віды сацыяльных узаемаадносінаў.
На жаль, не ўсе дарослыя выконваюць свае бацькоўскія абавязкі належным чынам, як у плане клопату аб здароўі і фізічным развіцці дзяцей, так і ў плане іх маральнага і духоўнага дабрабыту. Таму ў радзе выпадкаў, як гэта ні сумна, адабранне ў іх дзяцей – сапраўды неабходная мера. У такім разе хлопчыкі і дзяўчынкі трапляюць у дзіцячы сацыяльны прытулак, дзе знаходзяцца да 6 месяцаў і маюць статус дзяцей, якія засталіся без апекі бацькоў. Калі тэрмін адабрання заканчваецца, яны вяртаюцца ў біялагічную сям’ю, аднак калі родныя бацькі так і не прадпрымаюць мераў па наладжванні жыццёвай сітуацыі, трапляюць у замяшчальныя сем’і.
Цяпер у прытулку сацыяльна-педагагічнага цэнтра горада Дзятлава знаходзяцца 6 непаўналетніх ва ўзросце ад 4 да 16 гадоў, якія маюць патрэбу ў сямейным клопаце і любові.
Адміністрацыя ўстановы звяртаецца з заклікам да жыхароў Дзятлаўскага раёна і просіць усіх тых, у каго сэрцы адкрытыя для дзяцей, якія засталіся без апекі родных бацькоў, падарыць дзіцяці сям’ю і шчаслівае дзяцінства, стаўшы замяшчальнымі бацькамі.
Падрабязную інфармацыю аб стварэнні прыёмнай сям’і можна даведацца ў аддзеле адукацыі райвыканкама па адрасе: г. Дзятлава, вул. Леніна, 18, тэлефон для даведак 2-23-71. Таксама можна звяртацца непасрэдна ў сацыяльна-педагагічны цэнтр: г. Дзятлава, вул. Кутузава, 3, тэлефоны для даведак: 2-71-18, 6-15-25.
На ўсе пытанні вам адкажуць галоўны спецыяліст аддзела адукацыі райвыканкама Алена Анатольеўна Чайкоўская або намеснік дырэктара сацыяльна-педагагічнага цэнтра горада Дзятлава Кацярына Сяргееўна Ляўкевіч.
Будзем рады бачыць вас у камандзе педагагічнага калектыву прыёмных бацькоў.
Іна НІЧЫПАРОВІЧ,
сацыяльны педагог СПЦ горада Дзятлава
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga