Дзятлаўская раённая бібліятэка запрашае маленькіх чытачоў наведаць бібліятэку і бліжэй пазнаёміцца з новай літаратурай.
С. Дзявяткава “Каша – матуля наша”. З гэтай ілюстраванай кнігі маленькія чытачы даведаюцца, адкуль бярэцца крупа для кашы, навучацца распазнаваць розныя прадуктовыя культуры, прасочаць гісторыю іх распаўсюджання на нашай планеце.
С. Дзявяткава “Таямнічы свет мікробаў”. Гэта кніга пазнаёміць з мікраскапічным светам істотаў, якія жывуць у паветры, вадзе, глебе, у арганізме чалавека і жывёл, на ўсіх паверхнях і прадметах вакол нас.
“Шакаладка. Салодкая гісторыя”. На старонках кнігі расказваецца пра любімы ласунак многіх дзяцей – шакалад, адкуль ён бярэ свой пачатак, як выглядае ў самым пачатку свайго шляху, калі ў Беларусі пачалі ствараць свае асабістыя шакаладныя шэдэўры і дзе іх можна набыць.
“Як у дом прыйшла вада”. Гэта ілюстраваная кніга раскажа аб гісторыі водаправода і сучасных сістэмах ачысткі і дастаўкі вады ў дамы, адкуль бярэцца артэзіянская вада, колькі ў Беларусі запасаў пітной вады і чаму яе трэба берагчы.
“Дацягнуцца да нябёсаў”. Кніга пазнаёміць юных чытачоў з “самымі-самымі” будынкамі Беларусі: самымі высокімі, самымі знакамітымі, самымі арыгінальнымі, а таксама з іншымі дзіўнымі збудаваннямі, якія існуюць на нашай планеце.
Марына ЛАПУШКА,
бібліятэкар Дзятлаўскай раённай бібліятэкі
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…