Сацыяльна значная літаратура – творы, якія дапамагаюць фарміраваць каштоўнасці, захоўваць гістарычную памяць і выхоўваць любоў да роднага слова. Актыўны ўдзел у папулярызацыі такіх выданняў прымае Данілавіцкая інтэграваная сельская бібліятэка.
Бібліятэкар наведала мясцовую школу, дзе для навучэнцаў была аформлена інфарматыўная выстава-агляд “Беларуская кніга – дзецям” – лепшыя выданні сучаснай дзіцячай літаратуры, якая вучыць дабру, сяброўству і павазе да сваёй культуры. Для самых маленькіх быў арганізаваны візіт у дзіцячы сад: яго выхаванцы з вялікай цікавасцю сустрэлі выставу-агляд “Суквецце беларускіх кніг”, якая адкрыла для іх яркі свет беларускіх казак і вершаў.
Для работнікаў сельгаспрадпрыемства ААТ “Граніт-Агра” была прадстаўлена выстава-агляд “У кніжнай памяці імгненні вайны” – кнігі пра Вялікую Айчынную вайну, подзвіг беларускага народа.
У планах наведаць мехдвор “Круцілавічы” з інфармацыйнай выставай-аглядам “Кнігі і аўтары ў святле юбілейных дат”.
Сацыяльна значная кніга была і застанецца надзейным компасам у сучасным свеце, а бібліятэка заўсёды будзе сувязным звяном паміж якаснай літаратурай і сэрцам кожнага чытача.
Жанна КУР’ЯН,
бібліятэкар Данілавіцкай бібліятэкі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
