Калонка рэдактара. Пакаленне Z

Хоць свет у цэлым рухаецца наперад, моладзі прыходзіцца кожны раз пачынаць спачатку. (Ёган В. Гётэ)

Як праўдзіва сказана. Кожны чалавек у гэтым жыцці пачынае свой шлях, і ў кожнага ён свой. А некаторыя мяняюць шляхі-дарогі па некалькі разоў, як грыбнік, якізаблукаў у лесе, не знаходзячы той адзінай дакладнай дарогі. І добра, калі побач ёсць тыя, хто разумее і ўмее пачуць, своечасова даць патрэбную параду, падставіць плячо.

Але як бы ні складваліся абставіны, свой шлях чалавек павінен прайсці сам, спадзеючыся на ​​сябе, дапускаючы памылкі і выпраўляючы іх.

Мы часта чуем пра тое, што моладзь ужо не тая. Але яна не горшая і не лепшая, яна проста іншая. Бо кожнае новае пакаленне прыўносіць у жыццё нешта сваё, і кожнае новае пакаленне ўнікальнае па-свойму.

У кагосьці з нас ёсць дзеці, у кагосьці ўнукі, і мы ўсе іх вельмі любім. Так, нам хочацца, каб у іх у жыцці ўсё склалася, каб усё было добра: і дом, і сям’я, і ​​праца. Але мы забываемся – яны іншыя, іх мары і рэаліі пра жыццё могуць не супадаць з нашымі, а мы працягваем прымяраць на іх свае нязбытыя мары.

Галоўнае наша адрозненне – гэта лічбавая рэальнасць, якая практычна паглынае жыццё маладых людзей. Валоданне актуальнай інфармацыяй стала для іх адной з галоўных каштоўнасцяў. Што казаць пра моладзь, калі сёння маленькія дзеці ў тры гады выдатна валодаюць гаджэтамі, могуць і бабулі патэлефанаваць, і на ютуб зайсці.

Гэта жыццё, гэта пакаленне Z, як яго назвалі. І з гэтым нічога зрабіць нельга. Гэта трэба прыняць. Свет рухаецца наперад!

Але ў моладзі засталіся тыя ж абавязкі, што і былі. Яны займаюцца адукацыяй, усё часцей прапагандуюць здаровы лад жыцця. Яны больш упэўненыя ў сабе, актыўныя, жывуць тут і цяпер, пражываюць і шануюць кожны момант. Яны адкрытыя да дыялогу, яны любяць падарожнічаць і пазнаваць свет. Яны ініцыятыўныя і крэатыўныя, яны не баяцца ісці да сваёй мары. Яны плануюць шмат чаго дасягнуць у сваім жыцці.

Вы яшчэ не пазналі ў гэтым “партрэце” сваё дзіця?

Сённяшняя моладзь выдатная. У яе шэрагах больш студэнтаў, чым тых, хто не вучыцца, больш працуючых, чым наркаманаў, больш багатых, чым бедных. Сучасная моладзь – гэта надзея і апора.

А тым, хто думае інакш, хочацца сказаць: успомніце сябе ў маладосці, якімі былі вы, што адчувалі, пра што перажывалі і ці моцна адрозніваецеся ад цяперашняй моладзі? Толькі часы былі іншыя!

Ну а калі нешта не падабаецца, давайце падумаем, а што зрабілі мы, дарослыя, акрамя крыўдных папрокаў, каб наша моладзь была яшчэ лепшая?

Наталля КАЛОДКА

Подписывайтесь на телеграм-канал «Гродно Медиа Group» по короткой ссылке @GrodnoMediaGroup