Пра тое, што стане ўдзельнікам зладжанай каманды дарожных работнікаў, прараб асфальтабетоннага завода Дзмітрый Ярмаловіч некалі нават не ўяўляў.
Пасля заканчэння Жыровіцкага каледжа, а затым – Беларускага дзяржаўнага аграрна-тэхнічнага ўніверсітэта па інжынернай спецыяльнасці ён працаваў на розных пасадах у Дзятлаўскай сельгастэхніцы.
– Сам лёс прывёў мяне сюды, – кажа Дзмітрый Дзмітрыевіч пра тое, як кардынальна змяніў від дзейнасці. – Спачатку працаваў механікам, і вось ужо некалькі гадоў тут, на асфальтным заводзе.
На такім адказным для ўсёй дарожнай службы ўчастку працуюць 12 чалавек, якія паспяхова спраўляюцца з немалым аб’ёмам работы. Справа адказная, графік насычаны, рабочы ў залежнасці ад заказаў, са сваімі нюансамі. Аднак прараб прызнаецца, што за непрацяглы час вельмі палюбіў такі від дзейнасці за пэўнасць і дакладнасць пастаўленых задач.
– Шкада толькі, што вельмі рана еду на працу, не бачу, як дачушка-пяцікласніца збіраецца на заняткі ў гімназію. Затое ўвечары маю магчымасць бавіць час разам са сваёй сям’ёй, дапамагчы школьніцы з урокамі, – кажа Дзмітрый Дзмітрыевіч.
Усім, хто працуе ў дарожнай гаспадарцы нашай краіны, ён жадае мірнага неба, дабрабыту, здароўя і простага сямейнага шчасця.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…