Самае казачнае падарожжа работнікаў лікёра-гарэлачнага завода «Алгонь» адбылося напрыканцы 2017 года. Ідэя яго арганізаваць прыйшла нечакана. Звычайна цяжка знайсці шмат ахвотнікаў на незапланаваную вандроўку, але на гэты раз было інакш. На прапанову паехаць у Белавежскую пушчу адгукнуліся амаль 70 чалавек, якія і накіраваліся ў вандроўку.
Ад стаянкі ў Белавежскай пушчы да Рэзідэнцыі беларускага Дзеда Мароза неабходна праехаць каля васьмі кіламетраў. Мы былі ўражаны прыгажосцю запаведнага ляснога масіву, вядомага ва ўсёй Еўропе. Апынуліся ў чароўным месцы, якое прываблівае не толькі дзяцей, але і дарослых, прымушаючы паверыць у казкі і цуды. Атмасфера, якая пануе ў пушчы, быццам прасякнута магіяй.
Першым нас сустрэў Пушчанскі Чараўнік. Было адчуванне, што мы трапілі ў паралельны сусвет і дазволілі сабе цалкам пагрузіцца ў цудоўную казку, забыўшыся на штодзённыя клопаты. Нам прапанавалі загадкі, адгадаўшы якія, мы траплялі да іншага казачнага персанажа. Самыя адважныя з нашых турыстаў, як у дзяцінстве, расказвалі вершы. Так, з загадкамі і вершамі, казачныя істоты суправаджалі нас да паляны, дзе гарэла высокае вогнішча і грэліся браты-месяцы. Вы ведаеце, што яны здзяйсняюць жаданні? Кожны з нас, дакрануўшыся да свайго месяца (у якім нарадзіўся), паспадзяваўся, што загаданае абавязкова ажыццявіцца. За палянкаю – сажалка, у якой жыве царэўна-жаба. Хто ж адмовіцца сфатаграфавацца з сапраўднай царэўнай? Жадаючых было шмат.
Нарэшце мы апынуліся ля галоўных навагодніх чараўнікоў, улюбёнцаў дзяцей і дарослых – Дзеда Мароза і Снягуркі. У самых маленькіх нашых падарожнікаў гарэлі вочкі, дзеці стараліся дакрануцца і праверыць, ці сапраўдны Дзядуля Мароз.
Рэзідэнцыя поўная сюрпрызаў: апроч казачных палянак з дзівосамі, убачылі мы тут чароўны млын і калодзеж. Усе таямніцы не буду раскрываць, каб не сапсаваць сюрпрыз для тых, хто збіраецца паехаць у Белавежскую пушчу.
У час вандроўкі мы каштавалі стравы нацыянальнай кухні, набывалі сувеніры, а напрыканцы кожны (нават дарослыя) атрымаў падарунак ад Дзеда Мароза.
Таіса САВІЧ,
старшыня прафсаюзнай арганізацыі ААТ «Дзятлаўскі лікёра-гарэлачны завод «Алгонь»
Другі год запар ААТ “Дварэц-Агра”, падшэфнае сельгаспрадпрыемства ААТ “Молочный Мир”, трымае пальму першынства на жніве…
КСУП “Хвінявічы” славіцца высокімі паказчыкамі ў жывёлагадоўлі, нязменна знаходзячыся ў лідарах раёна па надоях, прывагах…
Гудуць магутныя машыны, высыпаючы з прычэпаў зярняты. Яны льюцца хуткай плынню, горамі ўзвышаюцца на збожжатаку…
Гродненские пограничники задержали мужчину с беспилотником кустарного производства. Об этом БЕЛТА проинформировали в Госпогранкомитете. Вблизи…
На 30-й внеочередной сессии районного Совета депутатов в должности председателя Слонимского райисполкома утверждён Виталий Шулейко,…
В новом учебном году никаких изменений, касающихся одежды делового стиля школьников, не будет. Об этом…