Каб не захварэць

У перыяд высокай рызыкі захворвання на грып і вострыя рэспіраторныя інфекцыі важна памятаць аб мерах прафілактыкі:

* у грамадскіх месцах старайцеся не дакранацца рукамі да носа і рота, пасля наведвання іх мыйце рукі з мылам;

* замяніце насоўкі з тканіны папяровымі – аднаразовымі, каб не «насіць у кішэні» мікробы;

* рэгулярна праветрывайце памяшканне дома і на працы;

* увільгатняйце паветра ў памяшканні, часцей рабіце вільготную ўборку;

* выкарыстоўвайце маску пры наведванні грамадскіх месцаў, не забывайце мяняць яе кожныя 2 гадзіны;

* у перыяд эпідэміі ўстрымайцеся ад наведвання шматлюдных.

Для прафілактыкі грыпу і ВРІ важна праводзіць мерапрыемствы па павышэнні ахоўных уласцівасцяў арганізма:

* правільна харчуйцеся: ешце больш свежай агародніны і садавіны, багатых вітамінамі і мікраэлементамі;

* выконвайце пітны рэжым;

* пазбягайце пераахаладжэнняў і перагрэву, перанапружанняў і стрэсаў, больш адпачывайце і спіце дастаткова, часцей гуляйце на свежым паветры;

* рабіце зарадку, праводзьце працэдуры для загартоўвання.

Памятайце, што найбольш эфектыўным сродкам прафілактыкі грыпу з’яўляецца вакцынацыя.

Таццяна СВІБ,
выконваючая абавязкі намесніка галоўнага доктара Дзятлаўскай ЦРБ

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga