Ёсць магчымасць стаць акцыянерам

Урадам Рэспублікі Беларусь прынята пастанова аб прадаўжэнні тэрміну звароту імянных прыватызацыйных чэкаў “Маёмасць” па 31 снежня 2025 года.

Абмяняць чэкі “Маёмасць”, якія належаць грамадзянам, на дзяржаўныя акцыі магчыма ў падраздзяленнях ААТ “ААБ Беларусбанк”, якія выконваюць названыя аперацыі (пералік такіх падраздзяленняў размешчаны на афіцыйным сайце банка). Там жа можна азнаёміцца са спісам акцыянерных таварыстваў, акцыі якіх прапануюцца да набыцця ў абмен на чэкі, і інфармацыяй аб гэтых таварыствах. Пры звароце неабходна прад’явіць пашпарт грамадзяніна Беларусі і сертыфікат чэкаў “Маёмасць”. Інфармацыю аб абмене чэкаў на акцыі акцыянерных таварыстваў можна атрымаць па тэлефоне 147.

Зараз у абмен на чэкі “Маёмасць” прапануюцца акцыі больш за 160 адкрытых акцыянерных таварыстваў, дзейнасць якіх ажыццяўляецца ў розных сферах вытворчасці і аказання паслуг.

Пры абмене грамадзяне маюць права выкарыстаць чэкі:

— выдадзеныя ім асабіста;

— атрыманыя па дагаворах дарэння і (або) па спадчыне ад блізкіх сваякоў (бацькоў, дзяцей, мужа і жонкі, родных братоў і сясцёр, унукаў, бабуляў, дзядуляў, свекрыві, свёкра, цесця і цешчы), пры ўмове, што дорацца (успадкоўваюцца) толькі чэкі, выдадзеныя блізкім сваякам, але ў суме не больш за 250 імянных прыватызацыйных чэкаў “Маёмасць” на працягу ўсяго перыяду бязвыплатнай прыватызацыі.

Стаўшы акцыянерам, грамадзянін надзяляецца правам на ўдзел у кіраванні акцыянерным таварыствам, атрыманне дывідэндаў і інфармацыі аб дзейнасці таварыства, а таксама на продаж, дарэнне і перадачу па спадчыне акцый, якія яму належаць.

Аддзел эканомікі Дзятлаўскага райвыканкама

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga