У апошнія гады ў нашай краіне адзначаюцца частыя выпадкі траўмавання людзей электрычным токам пры лоўлі рыбы на берагах рэк і вадаёмаў у ахоўных зонах паветраных ліній электраперадач. Каб прадухіліць няшчасныя выпадкі, звязаныя з паражэннем людзей электрычным токам, неабходна памятаць, што лоўля рыбы ў ахоўных зонах ліній электраперадач небяспечная для жыцця.
Пры лоўлі рыбы з берага тэлескапічнымі вудамі, даўжыня якіх дасягае шасці метраў і больш, іх вудзільнам або лескай можна дакрануцца да правадоў паветранай лініі ці наблізіць іх да правадоў на недапушчальную адлегласць. У такім выпадку пад дзеянне электрычнага току трапляе не толькі чалавек, які трымае вудачку, але і людзі, што знаходзяцца побач (з-за крокавага напружання). Расследаванне абставінаў такіх няшчасных выпадкаў паказвае, што іх прычынай з’явілася грубае парушэнне пацярпелымі правілаў аховы электрычных сетак, асабістая неасцярожнасць, невыкананне правілаў электрабяспекі або іх няведанне.
Так, жыхар горада Клімавічы Магілёўскай вобласці пры лоўлі рыбы на рацэ Лабжанка паблізу паветранай лініі электраперадачы 35 кВ наблізіў вудачку на недапушчальную адлеглаць да правадоў паветранай лініі і быў смяротна траўмаваны электрычным токам.
Няшчасны выпадак адбыўся ў Верхнядзвінскім раёне Віцебскай вобласці. Пераплываючы рэчку ў ахоўнай зоне ПЛ-10кВ, мужчына наблізіўся на недапушчальную адлеглаць да правадоў паветранай лініі і быў смяротна траўмаваны электрычным токам.
Правіламі аховы электрычных сетак напружаннем звыш 1000 вольт уздоўж паветраных ліній электраперадачы ўстаноўлены ахоўныя зоны ў выглядзе зямельнага ўчастка і паветранай прасторы, абмежаваных вертыкальнымі плоскасцямі.
У ахоўных зонах гэтых ліній, якія праходзяць па воднай паверхні рэк і вадаёмаў або па іх берагах, забараняецца ажыццяўляць лоўлю рыбы з прымяненнем вудачак. Як правіла, такія месцы абсталяваны плакатамі, якія папярэджваюць аб небяспецы вядзення тут рыбнай лоўлі.
Паважаныя аматары рыбнай лоўлі. Каб ваша рыбалка была бяспечнай, перад яе пачаткам упэўніцеся, што паблізу няма паветраных ліній электраперадачы.
В. КЕЦЬ,
начальнік Дзятлаўскай энергаінспекцыі
Урачыста, прыгожа, з цудоўным настроем пачалося свята сямейнага адпачынку "Зецельскі фэст" ў Дзятлаве. Пад гукі…
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…