Напярэдадні Дня моладзі і студэнцтва, які адзначаецца ў Беларусі ў апошнюю нядзелю чэрвеня, пад натхняльным лозунгам “Усё залежыць ад нас” пройдзе маштабны марафон.
Чым ён будзе адметны на Дзятлаўшчыне, расказала першы сакратар раённай арганізацыі ГА “БРСМ” Кацярына Хілімончык:
– У рамках марафону маладых дзятлаўчан з 23 па 29 чэрвеня чакае Тыдзень моладзі, кожны дзень якога будзе напоўнены цікавымі адметнымі падзеямі.
Панядзелак пройдзе пад эгідай здаровага ладу жыцця і пачнецца з “Народнай зарадкі”, якая ў 9 гадзін стартуе ў летніках Дзятлаўшчыны. Далучыцца да яе запрашаем калектывы ўстановаў і арганізацый.
У аўторак будзе ладзіцца валанцёрская акцыя “За справу!” па афарбоўцы і навядзенні парадку на дзіцячай гульнявой пляцоўцы ў Дзятлаве.
У сераду ў рамках святкавання 80-годдзя Вялікай Перамогі і напярэдадні Дня Незалежнасці Рэспублікі Беларусь у Дзятлаўскім гісторыка-краязнаўчым музеі для навучэнцаў і працоўнай моладзі адбудзецца адкрыты дыялог “Беларусь адзіная” з экскурсіяй у залы Вялікай Айчыннай вайны.
У чацвер адпачывальнікаў летнікаў і навучэнцаў раёна збярэ інтэлектуальны турнір “Што? Дзе? Калі?”.
Завершыцца тыдзень раённым турзлётам працоўнай моладзі, спаборнічаць у якім 27-29 чэрвеня ва ўрочышчы Рыбакі будуць прадстаўнікі розных калектываў.
На працягу тыдня таксама будуць збірацца працоўныя дэсанты па навядзенні парадку на помніках і воінскіх пахаваннях, а дэлегацыя маладых дзятлаўчан прыме ўдзел у экскурсіі ў горад Гродна ў рамках праекта “Цягнік Перамогі”.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
