Іх подзвіг – урок гонару і адданасці Радзіме

У Дзятлаве каля помніка воінам-інтэрнацыяналістам прайшоў мітынг-рэквіем “Памяць, апаленая агнём Афганістана”, прымеркаваны да 36-й гадавіны з дня вываду савецкіх войск з гэтай краіны.

Удзел у ім прымалі ветэраны вайны ў Афганістане, прадстаўнікі раённай улады і дэпутацкага корпусу, сілавых структур, грамадскіх аб’яднанняў, працоўных калектываў, педагогі і школьнікі, дзятлаўчане.

– Сёння мы аддаём даніну пашаны і памяці воінам-інтэрнацыяналістам, якія самааддана выконвалі ўскладзеныя на іх баявыя задачы ў гарачых кропках, – адкрыў праграму старшыня раённага Савета дэпутатаў Аляксандр Бараноўскі. – Выконваючы воінскі, чалавечы абавязак, вы праявілі лепшыя якасці сапраўдных мужчын: доблесць, мужнасць, гонар. Кожны час нараджае сваіх герояў, але ратны гераізм салдат і афіцэраў ва ўсе часы будзе стаяць на высокім маральным п’едэстале, увасабляючы лепшыя якасці чалавека, грамадзяніна, патрыёта.

– Паважаныя ўдзельнікі мітынгу і воіны-інтэрнацыяналісты, – павітаў прысутных старшыня райвыканкама Андрэй Садоўскі. – Штогод у памятны дзень мы збіраемся на гэтым святым месцы, каб аддаць даніну пашаны і павагі нашым суайчыннікам, якія выканалі свой воінскі абавязак за межамі Беларусі. 36 гадоў мінула з той пары, як апошняя калона савецкіх салдат пакінула Рэспубліку Афганістан. У падзеях Афганскай вайны прынялі ўдзел больш за трыццаць тысяч савецкіх воінаў, на жаль, сотні з іх не вярнуліся дамоў. Не абышла тая вайна і Дзятлаўшчыну: 130 нашых землякоў выконвалі свой інтэрнацыянальны абавязак, больш за чатыры дзясяткі з іх узнагароджаны медалямі і ордэнамі, у тым ліку пасмяротна ордэнамі Чырвонай Зоркі адзначаны Аляксандр Шылаў з Наваельні і Дзмітрый Лазовік з Малой Палонкі.

У наш час у свеце прадаўжаецца барацьба за рэсурсы, перавагі, меркантыльныя інтарэсы, мала цэніцца жыццё чалавека. Аднак у Беларусі заўжды ўшаноўваецца памяць аб тых падзеях і людзях. Сёння мы зноў адрасуем воінам-інтэрнацыяналістам словы ўдзячнасці за мужнасць і стойкасць, жадаем здароўя, удачы, мірнага неба і каб жыццё было шчаслівым.

– Ва ўсіх кутках Беларусі цяпер праходзяць памятныя мерапрыемствы ў гонар воінаў-афганцаў, – звярнуўся да прысутных ваенны камісар Дзятлаўскага раёна Генадзь Суравец. –Сёння я выказваю словы падзякі ўсім вам, воіны-інтэрнацыяналісты, за добрасумленнае выкананне воінскага абавязку. Жадаю здароўя, міру, дабрабыту, яшчэ доўга заставацца ў страі і быць нашчадкамі слаўных традыцый Савецкай арміі і пераможцаў Вялікай Айчыннай вайны.

Творчае пасланне для жыхароў Дзятлаўшчыны-ўдзельнікаў вайны ў Афганістане падрыхтавала маладое пакаленне землякоў – навучэнцы сярэдняй школы № 1 горада Дзятлава імя А. М. Чурылы.  

Кранальную песню аб тых далёкіх падзеях праспявала трыа “Бархат” раённага Цэнтра культуры і народнай творчасці.  

Прысутныя на мітынгу ўшанавалі памяць воінаў-інтэрнацыяналістаў, загінулых на афганскай зямлі, хвілінай маўчання і ўсклалі вянкі і кветкі да мемарыяла.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

8 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

8 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

8 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

21 час ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

21 час ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

22 часа ago