З конкурсна-гульнявой праграмай “Спаборнічай разам з Кешам” у госці да выхаванцаў цэнтра карэкцыйна-развіваючага навучання і рэабілітацыі завітала каардынатар дзейнасці раённага валанцёрскага клуба “Мы разам” Ірына Мішчанка.
Сустрэча з асаблівымі дзецьмі праходзіла ў рамках асенняй дыстанцыйнай пяцідзёнкі “ЦімураВаланцёры Дзятлаўшчыны: у кадры добрых спраў”, прымеркаванай да Дня настаўніка і Міжнароднага дня пажылых людзей.
Вясёлы клоўн Кеша, ролю якога выконвала Ірына Анатольеўна, прапанаваў дзецям цікавыя гульні, конкурсы, загадкі, камандную эстафету і нават танцы. А напрыканцы праграмы ў паветра ўзняліся мыльныя бурбалкі, якія даставілі прысутным не менш радасці, чым сама сустрэча.
Ірына СТЫРНІК
Фотаздымкі прадастаўлены Ірынай МІШЧАНКА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
