Categories: Падзеі

Гульня — з дзяцінства ў будучыню

Прырода стварыла дзіцячыя гульні для ўсебаковай падрыхтоўкі да жыцця. Таму яны маюць генетычную сувязь з усімі відамі дзейнасці чалавека і выступаюць як спецыфічна дзіцячая форма пазнання, працы, зносін, мастацтва і спорту.

Удзельнікі гуртка “Юны журналіст” Гезгалаўскай сярэдняй школы з задавальненнем наведваюць групу падоўжанага дня. На гэты раз пяцікласнікі прыйшлі дапамагчы выхавальніку Людміле Шпакавай правесці гульні на развіццё мыслення.

Саша Барабан падрыхтавала вядомы ўсім “Кракадзіл”. Яна таленавіта паказала хамелеона, які потым зліваецца са сцяной, бегемота, у якога вельмі тоўстыя бакі, кітайскага воіна і старэнькага дзядулю.

Даша Вараб’ёва павандравала з дзецьмі па гарадах, рассмяшыла удзельнікаў гульні “Глупства”.
Соф’я Лотыш прапанавала адгадаць жывёлу, расліну або персанаж пры дапамозе навадных пытанняў. Дзеці з задавальненнем пазнавалі любімых персанажаў мультфільмаў, назвы кветак.

Вучыліся выхаванцы і правільна пісаць sms, разважаць у час гульні “Праўда-няпраўда”, а гульня “Адно слова” дапамагла ў развіцці абстрактнага мыслення і здольнасці абагульняць.
“Прыходзьце яшчэ”, — прасілі выхаванцы групы старэйшых таварышаў.

Юныя журналісты пра ўсё, што адбывалася ў гэты дзень у групе падоўжанага дня, напісалі ў школьную газету, бо для хлопчыкаў і дзяўчынак малодшага школьнага ўзросту гульня мае выключнае значэнне: гульня для іх — вучоба, праца, сур’ёзная форма выхавання і магчымасць пашырэння уражанняў.

Ала НЕНАРТОВІЧ,
кіраўнік гуртка “Юны журналіст” Гезгалаўскай сярэдняй школы

administrator

Share
Published by
administrator

Recent Posts

Як дружна пырснулі сады…

Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…

4 часа ago

Паважаныя жыхары Дзятлаўскага раёна!

Дарагія ветэраны вайны і працы! (далее…)

5 часов ago

Святлана Лагута: “Здаровы сэнс перамог”

7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…

19 часов ago

Футбольныя мячы – да Дня Перамогі

Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…

19 часов ago

“Перамога: погляд праз 81 год. Спадчына, памяць, выбар маладых”

Дыялогавая пляцоўка пад такой назвай  прайшла ў гімназіі № 1 горада Дзятлава. Пагаварылі пра тое,…

19 часов ago

Актуальнае меркаванне. Гістарычная памяць – аснова працвітання грамадства

Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…

20 часов ago