Пры артэрыяльнай гіпертэнзіі хвораму рэкамендуюць ужываць не больш за 4 грамы солі ў суткі (гэта адна чайная лыжка). Здаровы чалавек не павінен ужываць солі больш за 7– 8 грамаў.
Заўсёды трэба памятаць і пра схаваную соль, якая знаходзіцца ў большасці прыгатаваных прадуктаў, асабліва ў каўбасных вырабах, сасісках. Соль утрымліваюць нават агародніна і садавіна.
У Беларусі наспявае яшчэ адна вялікая праблема – гэта анемія.
Найчасцей мы ўжываем курыцу, вырошчваецца яна інтэнсіўна, і гэта самае беднае мяса, там амаль адсутнічае жалеза.
Раз на тыдзень ужывайце ялавічыну, цяляціну ці індычку, пячонку, каб пазбегнуць нізкага ўзроўню гемаглабіну.
Алена ЯКУБОЎСКАЯ,
доктар-неўролаг Дзятлаўскай ЦРБ
