Галасуюць жыхары сельскіх саветаў

Актыўна праходзілі выбары ў Казлоўшчыне.

Усяго на ўчастку, што размясціўся ў сельвыканкаме, 2035 выбаршчыкаў, з іх 27 тых, хто галасуе ўпершыню. Старшыня выбарчай камісіі Ігар Ціхан расказаў, што людзі ідуць галасаваць цэлы дзень: і пенсіянеры, і моладзь, многія сем’ямі прыходзяць.

Чаго чакаюць ад дзейнасці новаабраных дэпутатаў, падзяліліся жыхары гарадскога пасёлка.

Вольга Гушча:

– Голас аддавала за кандыдата, пра якога ведаю больш, загадзя цікавілася яго дзейнасцю. Лічу, што галасаваць неабходна за таго, хто здольны сапраўды дапамагчы, ведае і разумее праблемы простых людзей. Ад новага дэпутата чакаю зменаў у жыцці ў лепшы бок, менавіта для свайго пасёлка хочацца нейкіх пераўтварэнняў, падтрымкі моладзі.

Яўгенія Мармыш:

– Хочацца, каб дэпутаты былі актыўныя, дапамагалі людзям, для гэтага мы іх і выбіраем. На нашай вуліцы, напрыклад, неабходна зрабіць дарогу. Кандыдат, за якога я галасавала, лічу, вельмі дастойны, абавязкова нам дапаможа.

На выбарчым участку ў Гезгалах, які знаходзіцца ў мясцовай школе, таксама адзначаюць актыўнасць выбаршчыкаў. Усяго галасуючых тут 1055 чалавек, больш за сорак працэнтаў з іх прагаласавалі датэрмінова. Цікавімся, з якім настроем жыхары Гезгалаў ідуць на выбары і чаго чакаюць ад новых прадстаўнікоў у Парламенце.

Дзмітрый Абрамчык:

– Лічу, што кожны беларус павінен скарыстацца сваім правам і прагаласаваць. Менавіта я чакаю, што дэпутаты, якіх выберуць, павінны садзейнічаць росту дабрабыту і паляпшэння якасці жыцця, медыцынскіх паслугаў, удасканалення пенсійнага заканадаўства.

Іна Кулеш:

– Як і многім выбаршчыкам, мне хочацца, каб дзейнасць дэпутатаў была скіравана на паляпшэнне жыцця людзей, у прыватнасці, у нашым населеным пункце. Хочацца новых ідэй, новых дзеянняў. Спадзяюся, што я зрабіла правільны выбар.

Святлана ГРЫШЫНА
Вольга ЮШКЕВІЧ

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

8 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

8 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

8 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

21 час ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

21 час ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

22 часа ago