У Дзятлаўскім раёне прайшла акцыя «Дзяўчынка, дзяўчына, жанчына». У час яе ва ўстановах адукацыі былі арганізаваны Дні здароўя, пасяджэнні «круглых сталоў». На іх гучала інфармацыя, якая датычылася рэпрадуктыўнага здароўя будучых матуляў.
З самых першых дзён арганізм дзяўчынкі рыхтуецца да мацярынства. У дзяцінстве закладваюцца асновы яе будучага жаночага здароўя . Аднак у падлеткавым узросце надыходзіць пераломны момант. У гэты час некаторыя дзяўчынкі пачынаюць курыць, выпіваць, ужываць наркотыкі, весці палавое жыццё. Як вынік — аборты, захворванні, якія перадаюцца палавым шляхам. Такім чынам, да рэпрадуктыўнага ўзросту жанчыны нярэдка прыходзяць з комплексам праблемаў, з-за якіх не могуць нарадзіць або цяжка пераносяць цяжарнасць.
Менавіта таму так важна гаварыць пра вядзенне здаровага ладу жыцця з ранніх гадоў дзяўчынак.
Здароўе дзяўчыны пачынаецца з гігіены. Як правіла, усе падлеткі пакутуюць ад прышчоў. Каб пазбегнуць гэтага, варта ўмывацца перад сном, не есці шмат салодкай і тлустай ежы, вострых страваў. Трэба захоўваць і здаровы сон — 7-8 гадзін у суткі.
Дзяўчынам варта адмовіцца ад курэння, паколькі гэтая звычка цягне за сабой шэраг негатыўных для здароўя наступстваў. У жанчыны, якая пачала курыць у 16 гадоў або раней, да 50 гадоў фарміруецца небяспека анкалагічнага захворвання.
Пад уплывам модных часопісаў многія маладыя жанчыны пачынаюць шукаць недахопы ў сваёй знешнасці. Нярэдка гэта вядзе да таго, што падлетак садзіцца на строгую дыету. Незбалансаваны рацыён вядзе па пагаршэння знешнасці — выпадзення валасоў, лушчэння скуры.
Важна патлумачыць дзяўчыне, што для добрай фігуры лепшы сродак — правільнае і рэгулярнае харчаванне, а не галаданне. Калі ж праблема з лішняй вагой відавочная, неабходна знізіць колькасць тлушчоў — піць абястлушчанае малако, скараціць ужыванне мучнога.
Да ўсяго гэтага варта дадаць і тое, што трэба весці рухомы лад жыцця, знайсці цікавы занятак для душы. Усё гэта дазволіць захаваць як фізічнае, так і душэўнае здароўе.
Л. ЛАЗОЎСКАЯ, загадчыца санітарна-эпідэміялагічнага аддзела райЦГЭ,
Н. ЮРЭНЯ,
валеолаг
Ва ўрачыстай абстаноўцы ў прысутнасці асабовага саставу аддзела ўнутраных спраў Дзятлаўскага райвыканкама на заслужаны адпачынак…
30 октября Госавтоинспекция проведет по всей стране Единый день безопасности дорожного движения под девизом «Водитель…
В Беларуси уже накопано 704 тыс. тонн средней урожайностью 333 ц/га, что на 25 ц/га…
Награду нашему региону вручили на крупнейшей «Китайской международной конференции городов-побратимов» в городе Сиань по теме:…
Перспективы развития производства отечественного пассажирского транспорта будут рассмотрены во время посещения Президентом Беларуси Александром Лукашенко…
В рамках республиканской профилактической акции «За безопасность вместе» работники Дятловского районного отдела по чрезвычайным ситуациям…