На Дзятлаўшчыне стала добрай традыцыяй у Дзень Незалежнасці Рэспублікі Беларусь прэзентаваць лепшы вопыт работы раённых арганізацый, прадукцыю прадпрыемстваў і гаспадарак, творчыя і навуковыя дасягненні нашых землякоў.
Сёлета імправізаваная выстава разгарнулася на плошчы 17 Верасня, вуліцы Савецкай і ў гарадскім парку райцэнтра.
Работнікі хлебнага цэху Дзятлаўскага філіяла Гродзенскага аблспажыўтаварыства прэзентавалі духмяны каравай, хлеб і хлебабулачныя вырабы. Побач размясціўся яшчэ адзін павільён філіяла, які паспяхова гандляваў прадукцыяй на любы густ.
Дэгустацыю сыру наладзілі спецыялісты ААТ “Молочный Мир”, таксама падрыхтавалі прэзентацыю аб рабоце прадпрыемства і відэаролік да Года народнага адзінства.
Квасам і безалкагольнымі прахаладжальнымі напоямі жадаючых частавалі гаспадыні павільёна ААТ “Дзятлаўскі лікёра-гарэлачны завод “Алгонь”, тут можна было ўбачыць прадукцыю прадпрыемства і ўзнагароды.
Вялікі быў выставачны павільён аддзела адукацыі райвыканкама. Свой вопыт навуковай і творчай работы тут прадставілі школы і дзіцячыя садкі раёна, Цэнтр творчасці дзяцей і моладзі горада Дзятлава. Дашкольнікі здзіўлялі калекцыяй лялек, кнігамі і гульнямі ручной работы, школьнікі пахваліліся навуковымі, творчымі і музейнымі праектамі, нават уласнай бізнес-кампаніяй. Найбольшую цікавасць выклікала ноу-хау Цэнтра турызму і краязнаўства дзяцей і моладзі – аўтобус-музей, экскурсію па якім правёў кіраўнік праекта Дзмітрый Радзіеўскі.
Побач размясціліся павільёны раённага аддзялення паштовай сувязі, сэрвіснага пункта Белтэлекам, Новаяльнянскага камбіната хлебапрадуктаў, Дзятлаўскага прадпрыемства меліярацыйных сістэм. Не толькі падарункамі прыроды, але і магутнай тэхнікай здзіўляў Дзятлаўскі лясгас. Не менш цікавымі былі выставы ААТ «Дварэцкі льнозавод» і Дзятлаўскага раёна газазабеспячэння.
РУП ЖКГ падрыхтавала выставу “Мінулае, сучаснае, будучыня”, пачэснае месца ў якой занялі прыгожы торт пад назвай “Год народнага адзінства”, гарадскія фігуры з металу, фантан.
Багаццем фарбаў і цікавымі экспанатамі вабілі ўдзельнікаў свята выставы Цэнтра рамёстваў і раённай бібліятэкі.
Шумна і весела было на падворках гаспадарак Дзятлаўшчыны. Хлебам і песнямі гасцей сустракалі ААТ “Граніт-Агра”, КСУПы “Хвінявічы”, “Войневічы”, “Жукоўшчына”, “Дварэц-Агра”. Частавалі блінамі, салодкім мёдам, іншымі гасцінцамі, здзіўлялі самабытнымі тэматычнымі куткамі.
У Год народнага адзінства і гаспадары, і іх госці жадалі адзін аднаму міру, шчасця, дабрабыту на мілай сэрцу дзятлаўскай зямлі.
Ірына СТЫРНІК
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…