Дзелавы панядзелак. Работа павінна быць эфектыўнай

У кіраўніка раёна шмат клопатаў: ідзе гаворка аб бюджэце, жніве, аб пашкоджанай цеплатрасе, адкрыцці дзіцячага садка або аб рамонце жылля – усё патрабуе яго ўвагі.

Андрэй Садоўскі без увагі ні адно пытанне не пакідае, таму раніца панядзелка па традыцыі ў райвыканкаме пачынаецца з абмеркавання самых надзённых, актуальных тэм і праблем.

Добра б ехаць

На гэты раз першая тэма, якая прагучала – работа дарожных службаў. На нараду былі запрошаны кіраўнікі Дзятлаўскага ДРБУ № 119 і Навагрудскага ДЭУ № 56. Гэтыя арганізацыі займаюцца будаўніцтвам, абслугоўваннем і рамонтам аўтамабільных дарог на тэрыторыі нашага раёна. Прэтэнзія, якую агучыў старшыня райвыканкама прадстаўнікам абедзвюх арганізацый, заключалася ў несвоечасовым абкошванні абочын аўтадарог, няякаснай уборцы дарог мясцовага значэння, перагружаных кантэйнерах для смецця на прыпынках транспарту. Больш пытанняў і заўвагаў было да суседзяў, паколькі на трасе ў бок Навагрудка не выконваюцца графікі падкоскі, прадпрыемствам ігнаруюцца выпісаныя Дзятлаўскім райЦГЭ прадпісанні.

Бяспечная ўборачная

Пажарная бяспека на аб’ектах сельскай гаспадаркі падчас уборачнай кампаніі – адно з ключавых пытанняў, якія зараз у цэнтры ўвагі дзятлаўскіх ратаўнікоў. Да таго, як камбайны выходзяць у поле, супрацоўнікі РАНС ажыццяўляюць рэйдавыя мерапрыемствы. Акцэнт – на падрыхтоўку работнікаў, задзейнічаных на ўборцы, а таксама на аснашчанасць тэхнікі першаснымі сродкамі пажаратушэння.

Таксама аддзел па надзвычайных сітуацыях сёння аказвае паслугу па пажарным прыкрыцці. Дагаворы з ратаўнікамі заключылі тры гаспадаркі: “Войневічы”, “Граніт-Агра” і “Жукоўшчына”.

– Пры гэтым, не трэба самасупакойвацца і спадзявацца толькі на прыкрыцце. Гаспадаркі самі павінны прыняць неабходныя меры: перад пачаткам работ поле ў месцах прымыкання да лясных і тарфяных масіваў, аўтамабільных дарог трэба абараць, нагадаць механізатарам інструктажы, як дзейнічаць у экстраннай сітуацыі, увогуле ўсім удзельнікам жніва выконваць правілы пажарнай бяспекі, – адзначыў старшыня райвыканкама.

Ці запоўнім засекі?

У працяг тэмы сельскай гаспадаркі. Уборачная кампанія пачалася ў раёне на мінулым тыдні, яшчэ не ўвайшла ў самую актыўную фазу. З-за нестабільнага надвор’я, павышанай вільготнасці аграрыі адстаюць на паўтара тыдня ў параўнанні з 2021 годам. У такіх умовах не ўяўляецца магчымым адразу ў перыяд уборкі ўраджаю размясціць усё збожжа ў добра абсталяваныя сховішчы. Падрыхтаваць пляцоўкі з цвёрдым пакрыццём, назапасіць плёнку для арганізацыі часовага захоўвання ўраджаю перад далейшай апрацоўкай і сушкай настройваў аграрыяў старшыня райвыканкама ў час нарады.

Таксама Андрэй Садоўскі даў заданне свайму першаму намесніку – начальніку ўпраўлення сельскай гаспадаркі і харчавання Віталію Шулейку трымаць на кантролі работу сельгаспрадпрыемстваў па ўборцы саломы, апрацоўцы фунгіцыдамі буракоў, вытворчасці малака.

Прывабныя ягадныя і грыбныя мясціны

Дзятлаўшчына славіцца лясамі, багатымі на дары прыроды. Ягаднікаў і грыбнікоў тут незлічона ўсё лета. Аднак “ціхае паляванне” амаль не ператвараецца ў трагедыю, калі людзі абыякава адносяцца да любімага баўлення часу. На мінулым тыдні на Дзятлаўшчыне два чалавекі па двое сутак правялі ў лесе. Пашчасціла, не памерзлі, бо адносна цёплыя ночы, і бо супрацоўнікі аддзела ўнутраных спраў настойліва займаліся іх пошукам. Абодва грыбнікі знойдзены жывымі.

Ірына КАМАРОВА

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

9 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

9 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

10 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

22 часа ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

23 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

24 часа ago