Дзе кармы захоўваць?

У студзені 2019 года пракуратурай Слонімскага раёна на падставе матэрыялаў праверкі фінансавай міліцыі ўзбуджаная крымінальная справа па факце перавышэння сваіх службовых паўнамоцтваў у дачыненні да дырэктара аднаго з камунальных сельскагаспадарчых прадпрыемстваў Слонімскага раёна.

Указаны кіраўнік, ведаючы пра неабходнасць і даведзеныя заданні будаўніцтва ў 2017 годзе сховішча травяністых кармоў на 2000 тон, распрацаваным Гродзенскім абласным выканаўчым камітэтам на падставе даручэнняў Прэзідэнта Рэспублікі Беларусь, у снежні, г. зн. фактычна ў канцы тэрміну, прадстаўленага для яго выканання, пэўна ведаючы пра тое, што дадзеныя будаўнічыя работы не завершаны, даў заведама незаконныя ўказанні падначаленым работнікам аб афармленні несапраўднага акта аб прыёме-перадачы траншэі для травяністых кармоў, згодна з якім будаўніцтва нібыта было завершана ў тэрмін, для наступнага прадастаўлення яго ва ўпраўленне сельскай гаспадаркі і харчавання Слонімскага райвыканкама з мэтай справаздачы аб выкананым даручэнні. Як устанавілі работнікі фінансавай міліцыі і пракуратуры, траншэя-сховішча не дабудавана да цяперашняга часу. У выніку праверкі ў дачыненні да кіраўніка ўзбуджана крымінальная справа.

Сяргей ТУПТАЛА,
начальнік Слонімскага МА УДФР КДК Рэспублікі Беларусь па Гродзенскай вобласці