23 красавіка ў раённым Цэнтры культуры і народнай творчасці прайшла чарговая “Адкрытая прыёмная для бізнесу”.
Яе наведвальнікі маглі задаць хвалюючыя пытанні і атрымаць бясплатную кансультацыю спецыялістаў землеўпарадкавальнай, пажарнай, падатковай, эпідэміялагічнай і іншых службаў і ведамстваў вобласці і раёна.
Гэтым разам па кансультацыю звярнуўся толькі адзін чалавек, які збіраецца адкрыць уласны бізнес, для якога плануе набыць зямельны ўчастак. Ён атрымаў кампетэнтныя парады і гатовыя рашэнні, як гэта зрабіць найлепшым чынам.
Намеснік старшыні райвыканкама Вольга Жэлезоўская растлумачыла, чаму невялікая колькасць наведвальнікаў бізнес-прыёмных – гэта добрая тэндэнцыя:
– Невялікая колькасць заяўнікаў толькі пацвярджае той факт, што пераважная большасць пытанняў вырашаецца ў рабочым парадку, а ўсе службы працуюць на высокім узроўні. Бізнес-прыёмныя ў такім саставе працуюць два разы на год. Аднак любы грамадзянін можа не чакаць паўгода, калі прыедзе рабочая група, а звярнуцца на прыём у кампетэнтныя органы па месцы жыхарства. Са свайго боку, у райвыканкаме практыкуюцца рэгулярныя сустрэчы з прадпрымальнікамі, у час якіх мы інфармуем аб актуальных змяненнях заканадаўства ў сферы бізнесу.
Намеснік начальніка галоўнага ўпраўлення землеўпарадкавання Гродзенскага аблвыканкама Дзяніс Купрыяновіч расказаў, чым прывабны для прадпрымальнікаў такі фармат работы:
– “Адкрытая прыёмная для бізнесу” – унікальная магчымасць атрымаць у адным месцы кансультацыю многіх службаў. Здараецца такое, што для вырашэння нейкага пытання абмяркоўваем яго калегіяльна. Другі вялікі плюс – гэта дапамога бясплатная. У нашай практыцы часам бывае такое, што людзі замаўляюць паслугі спецыялістаў, не знаходзяць рашэння і ў выніку звяртаюцца да нашай каманды. Такая сітуацыя адбылася і сёння. Усё часцей на прыёмныя звяртаюцца не толькі дзеючыя бізнесмены, але і тыя, хто збіраецца зарэгістраваць сваю справу.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
