23 сакавіка ў Дзятлаве асабісты прыём грамадзян правёў член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў Андрэй Жамойда.
Да яго звярнулася жыхарка вёскі Хадзяўляны, якую непакоіла праблема навядзення парадку ў сельскім населеным пункце:
– Жыву тут ужо трыццаць гадоў. Некалі ў доме насупраць былі жыхары, але ён ужо даўно пустуе. Тэрыторыя, прылеглая да дома, даглядаецца нерэгулярна, час ад часу тут бываюць кампаніі, якія самавольна трапляюць у пустуючае жыллё. Я перажываю, каб усё было ў парадку. Ці можаце вы паўплываць на гаспадароў дома, якія тут не жывуць?
Каб разабрацца ў сітуацыі, Андрэй Пятровіч выехаў на месца разам са старшынёй раённага Савета дэпутатаў Аляксандрам Бараноўскім і старшынёй Дзятлаўскага сельвыканкама Ігарам Хітро.
Кіраўнік сельсавета адзначыў, што праблема не новая, і крокі для яе вырашэння прымаліся. Ён паабяцаў зноў звязацца з гаспадыняй дома і вырашыць праблему аптымальна для ўсіх. Сенатар засяродзіў увагу на тым, што пытанне застаецца на яго асабістым кантролі:
– Важна, што ў сельскіх населеных пунктах жывуць людзі, нераўнадушныя да сваёй малой радзімы, якія падказваюць дэпутатам і кіраўніцтву раёна, дзе яшчэ патрабуецца іх удзел і валявыя рашэнні. Парадак на зямлі – наш агульны клопат, і іцыятывы грамадзян у гэтым напрамку заўсёды вітаюцца. Прыемна бачыць рэалізацыю на Дзятлаўшчыне мерапрыемстваў месячніка па навядзенні парадку на зямлі, калі работнікі працоўных калектываў дружна выходзяць на прыбіранне тэрыторый каля сваёй арганізацыі, домаўладанняў, населеных пунктаў.
У час паездкі Аляксандр Бараноўскі расказаў сенатару, якая яшчэ работа па добраўпарадкаванні вядзецца ў раёне. Кожны год вырашаецца лёс каля 100 пустуючых дамоў: толькі за 2025-ы 40 такіх домаўладанняў дэмантавалі, 23 прадалі за адну базавую велічыню і 41 – рэалізавалі ў парадку адчужэння. Работа ў гэтым напрамку прадаўжаецца і сёлета.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
Президент Беларуси Александр Лукашенко во время рабочей поездки в Брест актуализировал задачи для аграриев на…
Другі год запар ААТ “Дварэц-Агра”, падшэфнае сельгаспрадпрыемства ААТ “Молочный Мир”, трымае пальму першынства на жніве…
КСУП “Хвінявічы” славіцца высокімі паказчыкамі ў жывёлагадоўлі, нязменна знаходзячыся ў лідарах раёна па надоях, прывагах…
Гудуць магутныя машыны, высыпаючы з прычэпаў зярняты. Яны льюцца хуткай плынню, горамі ўзвышаюцца на збожжатаку…
Гродненские пограничники задержали мужчину с беспилотником кустарного производства. Об этом БЕЛТА проинформировали в Госпогранкомитете. Вблизи…
На 30-й внеочередной сессии районного Совета депутатов в должности председателя Слонимского райисполкома утверждён Виталий Шулейко,…