Дарагія жыхары горада Дзятлава і Дзятлаўскага раёна!

У гэтым годзе Божая міласць зноў даруе нам са славай і радасцю святкаваць вялікую падзею – Уваскрэсенне Хрыстова!

Рады зноў звярнуцца да вас з пераможным прывітаннем: Хрыстос Уваскрос! Прайшло шмат стагоддзяў з моманту Уваскрэсення Хрыстова, але гэты дзень заўсёды застаецца святам святаў, таму што гэта ўрачыстасць Святла і Любові. Гасподзь Ісус Хрыстос – наш Заступнік і Выратавальнік. Ён быў укрыжаваны з-за спагады да людзей. Ён памёр ад любові да чалавека, але ўваскрос, каб выратаваць людзей ад тлення і смерці. Бог стварыў чалавека для жыцця, зрабіўшы яго вобразам уласнай вечнасці, але зайздрасцю д’ябла ўвайшла ў свет смерць. Такім чынам, перамога над смерцю – самая вялікая перамога і самы слаўны цуд. Сёння гэта свята радасці, таму што праз крыж прыходзіць радасць для свету. Сёння гэта свята перамогі: Хрыстос Бог прывёў нас ад смерці да жыцця і ад зямлі да неба. Прыйшла пара вучыцца годна адзначаць гэту сусветную падзею і рыхтавацца да яе праз споведзь, пакаянне і прычасце, ачышчаючы свае душы і сэрцы. Сцяжаць любоў да царквы, захоўваючы праваслаўную веру. Выхоўваць сваіх дзяцей у Законе Божым, каб яны сталі годнымі патрыётамі і сумленнымі грамадзянамі сваёй Радзімы. У гэты Святы дзень ад усёй душы вітаю і віншую ўсіх вас, дарагія браты і сёстры, і малю Госпада, які ўваскрос з мёртвых, аб дараванні нам сіл для духоўнага і маральнага ачышчэння, душэўнага і фізічнага здароўя. Сапраўды Уваскрос Хрыстос!

Іерэй Іаан КІСЕЛЬ,
благачынны цэркваў Дзятлаўскай акругі Навагрудскай епархіі