Дапамога на дзяцей-інвалідаў

Законам Рэспублікі Беларусь “Аб дзяржаўных дапамогах сем’ям, якія выхоўваюць дзяцей” прадугледжаны шэраг гарантый для сем’яў, якія выхоўваюць дзіця-інваліда ва ўзросце да 18 гадоў.

Сем’і, якія выхоўваюць дзіця-інваліда ва ўзросце да 18 гадоў, маюць права на штомесячную дапамогу на дзяцей, старэйшых за 3 гады з асобных катэгорый сем’яў. Дапамога прызначаецца на ўсіхдзяцей, старэйшых за 3 гады, якія выхоўваюцца ў сям’і: на дзіця-інваліда – 70% найбольшай велічыні бюджэту пражытачнага мінімуму, на астатніхдзяцей – 50% бюджэту пражытачнага мінімуму. Дапамога прызначаецца штогод па месцы працы маці, а калі яна не працуе – па месцы працы бацькі дзіцяці. Дапамога прызначаецца па заяўным прынцыпе з улікам занятасці бацькі ў поўнайсям’і, аднаго з бацькоў у няпоўнай сям’і.

Дапамога прызначаецца з дня ўзнікнення права на яе, калі зварот па яе быў накіраваны не пазней 6 месяцаў з дня ўзнікненнятакога права. Пры звароце па дапамогу па заканчэнні 6 месяцаў з дня ўзнікнення права на яе яна прызначаецца з дня звароту (з дня падачы заявы з неабходнымі дакументамі).

Памятайце: асобам, якія адначасова маюць права на дапамогу на дзяцей, старэйшых за 3 гады з асобных катэгорый сем’яў і на дапамогу на дзяцей ва ўзросце ад 3 да 18 гадоў у перыяд выхавання дзіцяці да 3 гадоў, прызначаецца і выплачваецца адзін від дапамогі па выбары.

Пры ўстанаўленні інваліднасці дзіцяці ва ўзросце да 3 гадоў памер штомесячнай дапамогі па доглядзе дзіцяці ва ўзросце да 3 гадоў выплачваецца ў павышаным памеры – 45% сярэднямесячнай заработнай платы работнікаў у рэспубліцы (на падставе пасведчання інваліда або заключэння МРЭК).

Аднаму з бацькоў, у сям’і якога выхоўваецца дзіця-інвалід, прадастаўляецца па яго заяве дадатковы свабодны ад працы дзеньу месяц з аплатай у памеры сярэдняга дзённага заробку за кошт сродкаў дзяржаўнага сацыяльнага страхавання і (або) адзін свабодны ад працы дзень у тыдзень за кошт сродкаў наймальніка (на адным тыдні дапускаецца не больш аднаго свабоднага ад працы дня).

Даведка: калі ў сям’і выхоўваецца дзіця-інвалід, а адзін з бацькоў знаходзіцца ў адпачынку па доглядзе дзіцяці ва ўзросце да 3 гадоў, працуе на ўмовах занятасці больш за палову месячнай нормы або выконвае працу на даму ў аднаго наймальніка, ён мае права на дапамогу па доглядзе дзіцяці-інваліда ва ўзросце да 18 гадоў, якая прызначаецца ў органах па працы, занятасці і сацыяльнай абароне ў адпаведнасці з рэгістрацыяй па месцы жыхарства. Такая дапамога выплачваецца незалежна ад атрымання іншых дзяржаўных дапамог.

Дадатковую інфармацыю можна атрымаць у Дзятлаўскім раённым аддзеле Фонду сацыяльнай абароны насельніцтва па адрасе: г. Дзятлава, вул. Чырвонаармейская, д. 5а. Тэлефоны: 2-12-72, 2-50-62.

Марыя ЖЫДКО,
Начальнік Дзятлаўскага раённага аддзела Фонду сацыяльнай абароны насельніцтва