Штогод у Рэспубліцы Беларусь праводзіцца дабрачынная акцыя “Нашы дзеці”. У ёй прымаюць удзел кіраўнікі органаў дзяржаўнага кіравання, прадстаўнікі грамадскіх аб’яднанняў, кіраўнікі сілавых структур.
Не пакідае дзяцей без увагі кіраўніцтва і супрацоўнікі папраўчай установы “Папраўчая калонія-пасяленне №26” упраўлення Дэпартамента выканання пакаранняў МУС па Гродзенскай вобласці. Па традыцыі напярэдадні Калядаў і Новага года супрацоўнікі папраўчай установы наведалі выхаванцаў сацыяльна-педагагічнага цэнтра горада Дзятлава і падарылі ім навагоднія падарункі, павіншавалі дзяцей і педагагічны калектыў з Калядамі і Новым годам, разам праспявалі некалькі дзіцячых песняў. Дзеці падзякавалі за падарункі.
Сяргей ШЫШКО,
намеснік начальніка па ідэалагічнай рабоце і кадравым забеспячэнні ПКП №26
