“Адчыні дзверы ў будучыню для юных фантазёраў”

Пад такім дэвізам з 1 жніўня ў акцыю “Збяром дзяцей у школу” ўключаецца Беларускае Таварыства Чырвонага Крыжа.

Як расказала старшыня раённага аб’яднання гэтай дабрачыннай арганізацыі Галіна Касцюк, мэта мерапрыемства – падтрымаць тых, каму асабліва патрэбна дапамога. Гэта дзеці з сем’яў з нізкім даходам, непаўналетнія з інваліднасцю, школьнікі, якія трапілі ў сацыяльна ненадзейнае становішча, дзеці вымушаных імігрантаў і бежанцаў.

Дапамагаць валанцёры Таварыства Чырвонага Крыжа і ўсе, хто не застанецца раўнадушным, збіраюцца праз пакупку і перадачу ў дабрачынную арганізацыю школьных набораў, рукзакоў з усімі неабходнымі для вучобы прыладамі, каб пачатак навучальнага года прынёс кожнаму дзіцяці добры настрой і пазітыўныя эмоцыі.

Памятка

• калі жадаеце далучыцца да акцыі, прынясіце ў офіс Таварыства Чырвонага Крыжа або перадайце валанцёрам школьныя тавары;
• пакідайце ў гандлёвых аб’ектах такія пакупкі ў спецыяльных скрынях з сімволікай Чырвонага Крыжа;
• накіруйце добраахвотны плацеж у скарбонку арганізацыі ў ЕРИП або праз QR-код

Лічба

У 2025 годзе ад Беларускага Таварыства Чырвонага Крыжа атрымалі падтрымку 14 403 дзіцяці.

Каб ажыццявіць плацеж у ЕРИП

• у сістэме “Разлік” выберыце “Дабрачыннасць/ грамадскія арганізацыі”;
• “Дапамога дзецям, дарослым”;
• “Беларускі Чырвоны Крыж”;
• адпаведную абласную арганізацыю;
• “Дабрачынныя ўзносы”;
• нумар дабрачыннай акцыі – 222;
• праверце карэктнасць інфармацыі і ажыццявіце плацеж.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga