У вёсцы Варакомшчына, на радзіме Вячаслава Адамчыка, усталявалі мемарыяльны камень з шыльдай у гонар таленавітага пісьменніка.
Права перарэзаць чырвоную стужку і ўрачыста адкрыць мемарыял атрымалі навуковы супрацоўнік Дзятлаўскага гісторыка-краязнаўчага музея Алена Абрамчык, намеснік генеральнага дырэктара таварыства «Белрэстаўрацыя» Аляксандр Клімашонак і галоўны інжынер ААТ «Граніт-Агра» Андрэй Падліпскі.
Нават дождж не стаў перашкодай для такой важнай падзеі.
“Пакланіцеся ад мяне маёй зямлі, маёй Бацькаўшчыне” – такі наказ даваў Вячаслаў Уладзіміравіч сваім землякам, калі знаходзіўся далёка ад свайго дома.
Можна лічыць, што наказ выкананы. Цяпер у маленькай вёсачцы, дзе нарадзіўся літаратар, мемарыял будзе нагадваць пра тое, як важна любіць сваю малую радзіму.
Юлія БАКУНОВІЧ
