Не менш гарачая за ўборку і захаванне ўраджаю тэма сумленнасці і адказнасці аграрыяў пры правядзенні сельгасработ. На вялікі жаль, зноў і зноў сярод работнікаў аграпрамысловага комплексу трапляюцца жадаючыя прысвоіць тое, што ім зусім не належыць.
15 жніўня прайшоў чарговы сумесны рэйд Дзятлаўскага аддзела Дэпартамента аховы МУС і аддзела ўнутраных спраў райвыканкама, накіраваны на выяўленне правапарушэнняў у сферы аграпрамысловага комплексу.
Дома ў работніка аднаго з сельгаспрадпрыемстваў раёна былі выяўлены і канфіскаваны гаруча-змазачныя матэрыялы, запчасткі ад сельскагаспадарчай тэхнікі ўласнасці гаспадаркі, а таксама 380 літраў дызельнага паліва. Праводзіцца праверка, сума скрадзенага высвятляецца.
Работнік іншага сельгаспрадпрыемства раёна заправіў уласны аўтатранспарт афарбаваным дызельным палівам, 52 літры якога былі выеўлены міліцыяй у баку яго машыны ў ходзе агляду і канфіскаваны, складзены адміністрацыйны пратакол.
Сорамна і прыкра, што адначасова з дасягненнямі лідараў жніва даводзіцца ўзгадваць на старонках газеты такія непрыемныя факты пра работнікаў сяла. Аднак, маральны – толькі адзін бок гэтага медаля. Па законах Рэспублікі Беларусь кожнае злачынства мае пакаранне.
Наталля АВЯРЧУК
Фота прадастаўлены ўдзельнікамі рэйда
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
