Пытанне: мой муж доўгі час злоўжывае спіртнымі напоямі, усю пенсію траціць на набыццё спіртнога, мне не дае ні капейкі.
Якія меры можна прыняць у дачыненні да яго?
Адказвае ўчастковы інспектар міліцыі Руслан Лаўрэнцьеў:
– Калі грамадзяне злоўжываюць спіртнымі напоямі, гэтым ставячы членаў сваёй сям’і, з якімі жывуць, у цяжкае матэрыяльнае становішча, па рашэнні суда яны могуць быць абмежаваны ў дзеяздольнасці. Пасля прыняцця такога рашэння над грамадзянінам устанаўліваецца папячыцельства. Як правіла, у ролі папячыцеля часцей за ўсё выступае жонка (муж). Гэта азначае, што грашовыя сродкі (пенсія або заработная плата) з мэтай недапушчэння выдаткаў на спіртныя напоі будзе атрымліваць выключна жонка (муж) асобы, якая злоўжывае спіртнымі напоямі. Дадзеная мера дазваляе кантраляваць матэрыяльнае становішча і паводзіны асобы, залежнай ад алкаголю, не даць магчымасць набываць яго. Каб прыняць такія меры, неабходна звярнуцца ў аддзел міліцыі горада Дзятлава, або да свайго ўчастковага інспектара міліцыі, або паведаміць на лінію “102”. З пачатку 2024 года судом абмежаваны ў дзеяздольнасці адзін жыхар Дзятлаўшчыны.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
