У Казлоўшчынскай гарпасялковай бібліятэцы-цэнтры агульнадаступнай інфармацыі рэалізуецца фотапраект “Малая радзіма на старых фотаздымках”, дзе аформлена фотавыстава пад назвай “Гісторыя ў асобах”.
Тут размешчаны фотаздымкі 50-80-х гадоў. На іх адлюстроўваецца школьнае жыццё, сустрэча былых партызанаў з работнікамі ПТВ-191 і навучэнцамі, сустрэчы пісьменнікаў Янкі Брыля і Уладзіміра Калеснікава з вучнямі, генерала В. І. Канавалава з жыхарамі пасёлка, ёсць фота першай пажарнай машыны, якая была набыта ў мясцовую пажарную часць у 1952 годзе, а на фотаздымку 1922 года – пажарная каманда з бочкай-помпай. Шмат цікавых фотаздымкаў для выставы прадаставілі жыхары пасёлка.
Фотавыстава карыстаецца вялікім попытам у наведвальнікаў бібліятэкі.
Людміла ХІЛІМОНЧЫК,
загадчыца бібліятэкі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga