У рамках абласнога спартыўнага свята супрацоўнікаў органаў унутраных спраў Гродзенскай вобласці гасцям раёна была прапанавана аглядавая экскурсія па горадзе.
Якія славутасці райцэнтра яны пабачылі ў час яе, аб чым даведаліся, расказала спецыяліст па турызме турыстычнага інфармацыйнага цэнтра Алена Абрамчык:
– Была праведзена экскурсія, якая пазнаёміла гасцей з асноўнымі гістарычнымі мясцінамі і аб’ектамі звязанымі з Вялікай Айчыннай вайной на Дзятлаўшчыне.
У касцёле Унебаўзяцця Найсвяцейшай Панны Марыі мы пагаварылі аб архітэктурных асаблівасцях храма, у якім стыле ён узведзены, якія мецэнаты ахвяравалі сродкі для яго абнаўлення.
На плошчы 17 Верасня перагарталі старонкі гісторыі, звязаныя з яўрэйскім насельніцтвам мястэчка Дзятлава, якое стала ахвярай Халакосту ў гады ваеннага ліхалецця.
Пабывалі і каля помнікаў удзельнікам вайны. Менавіта 80-годдзю вызвалення Беларусі і Дзятлаўшчыны ад нямецка-фашысцкіх захопнікаў была прысвечана другая частка экскурсіі.
Подзвіг Іосіфа Філідовіча, трагедыя “дзяцей ліхалецця”, мемарыял вызваленню Дзятлаўшчыны і магілы Герояў Савецкага Саюза Яна Фогеля і Паўла Пятрова ў гарадскім парку – ўсё гэта мясціны, куды дзятлаўчане і госці райцэнтра прыходзяць пакланіцца мужнасці і стойкасці нашых землякоў у гады Вялікай Айчыннай вайны.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
