У спякотнае надвор’е прыемна адпачыцькаля вады.
Цікава было даведацца, што адбываецца на гарадскім пляжы ў Дзятлаве, дзе купанне дазволена.
Нечакана тут мы заспелі не толькі адпачывальнікаў, але і прадстаўнікоў РАНС, якія знаёмілі юнакоў і дзяўчат працоўнага летніка “Расток”сярэдняй школы №3 райцэнтраз тэхнікай бяспекі на вадзе.
Пасля заняткаў і купання дзеці і дарослыяпадзяліліся сваімі ўражаннямі.
Алёна Стракоўская:
– У гэтым сезонез адпачывальнікамі працоўнага летніка мы прыйшлі сюды ўпершыню і былі рады бачыць, што матросы-ратаўнікі адказна падыходзяць да выканання сваёй работы: перад тым як падпусціць дзяцей да вадаёма, правялі з імі гутарку, у чым ім дапамаглі супрацоўнікі РАНС. Варта адзначыць, што гарадскі пляж таксама радуе камфортам, тут заўжды шмат людзей. Лічу, што ў спякотнае надвор’е – гэта цудоўнае месца як для моладзі, так і для іх бацькоў.
Надзея Жэгалік:
– Пляж – гэта выдатная магчымасць адпачыць, астудзіцца спякотным летнім днём. Нам падабаецца бавіць тут час у кампаніі сяброў, асабліва пасля яго добраўпарадкавання. Занятак па душы тут знойдзе сабе кожны: ад гульні ў валейбол да адпачынку на арэлях.
Яўгенія Лупік:
– Адпачынак на пляжы –крыху не мой фармат. Але я цалкам падтрымліваю ідэю, што пляж дае магчымасць астудзіцца, асабліва ў такія спякотныя дні. Паглядзіце на падлеткаў, малечу – кожны з іх рады знаходзіцца тут.
Старшыня раённай арганізацыі АСВОД Сяргей Шпакоўскі падзяліўся сваімі назіраннямі аб тым, што змянілася на пляжы ў гэтым сезоне:
– Сёлета тут было ўстаноўлена відэаназіранне, якое забяспечвае своечасовае прыбыццё матроса-ратаўнікадля аказання дапамогі пацярпелым у выпадку непрадбачаных сітуацый. Зроблена новая дзіцячая купальня, абноўлена паплаўковая лінія і буі. Пляж забяспечаны ўсім неабходным для добрага адпачынку: для больш разнастайнага вольнага часу ёсць альтанка, арэлі, валейбольная пляцоўка, а таксама душ і месцы агульнага карыстання. Для арганізацыі бяспекі аформлены інфармацыйны стэнд прафілактычнай скіраванасці для жыхароў і гасцей нашага горада.
Мікіта ПАПРОЦКІ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
