З надыходам цёплага надвор’я ўсё больш людзейстараюцца правесці свой вольны час на вадаёмах, але многія забываюць правілы бяспекі, што можа прывесці да бяды.
Калі чалавек пацярпеў на вадзе, то спачатку перавярніце яго тварам уніз, ачысціце рот і рэзка націсніце на корань языка. Затым паспрабуйце выдаліць ваду з дыхальных шляхоў і страўніка, зрабіце штучнае дыханне і непрамы масаж сэрца.Калі чалавек ужо пагрузіўся пад ваду, усё роўна спрабуйце знайсці яго на глыбіні, а затым вярнуць да жыцця. Гэта можна зрабіць, калі ён знаходзіўся ў вадзе не больш за шэсць хвілін.
Паважаныя дарослыя, знаходзячыся на вадаёме, устрымайцеся ад ужывання алкаголю. Не забывайце, што вельмі небяспечна плаваць і ныраць у незнаёмых і неабсталяваных для адпачынку месцах. Часцей за ўсё дарослыя гінуць па сваёй нядбаласці, а гібель дзяцей заўсёды на сумленні бацькоў. Таму пастаянна назірайце за імі і не дазваляйце ім купацца самастойна.
Памятайце, на тэрыторыі Дзятлаўскага раёна купацца можна на возеры горада Дзятлава (гарадскі пляж) і на возеры ўрочышча “Рыбакі” (пляж санаторыя “Радон”).
Сяргей ШПАКОЎСКІ,
старшыня раённай арганізацыі АСВОД
Дзмітрый ЛЯНЦЭВІЧ,
старшы інжынер Дзятлаўскага РАНС
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
