Правучыўшыся тры гады на ваенна-тэхнічным факультэце БНТУ, я ўжо шмат чаго прайшоў і мне ёсць што расказаць.
Па парадку: ваенную спецыяльнасць я абраў не проста так. Сёння прэстыжна насіць званне афіцэра, мець добрую вытрымку і выпраўку, нягледзячы на тое, колькі на гэта патрэбна працы і цярпення. Стаць афіцэрам – ужо з маладых гадоў атрымаць вялізны багаж ведаў і вопыту, а гэта, як вядома, заўсёды ў цане. Ёсць шмат афіцэрскіх прафесій, і на выбар сваёй спецыяльнасці мне спатрэбіўся не адзін дзень – тут на вагі было пастаўлена ўсё, што толькі можна параўнаць паміж сабой. Чаму прамысловае грамадзянскае будаўніцтва, ці, як яго называюць, ПГБ? У першую чаргу, будаўніцтва – гэта перспектыва ў будучыні. Нацыі, якая хутка развіваецца, заўсёды будуць патрэбны дамы, школы, дарогі, масты, а людзям са статусам ваеннаслужачых – новыя аб’екты ў ваенных гарадках.
За час вучобы я пазнаёміўся з рознымі профільнымі прадметамі: тэхналогіяй будаўнічай вытворчасці, эканомікай будаўніцтва, будаўнічай механікай і іншымі. Акрамя таго, вучоба ў грамадзянскай ВНУ дазваляе набыць мноства новых знаёмстваў з цікавымі і разумнымі хлопцамі, якія вучацца па розных спецыяльнасцях.
Калі коратка: разнастайная добраўпарадкаваная тэрыторыя, вялізная колькасць студэнтаў, сучаснае абсталяванне, высокакваліфікаваныя выкладчыкі – усё гэта можна з упэўненасцю сказаць пра БНТУ, які на сёння ўваходзіць у 800 лепшых тэхнічных універсітэтаў свету і топ-1 у Беларусі.
Безумоўна, на вучобу і вольны час патрэбна шмат энергіі, і таму наш факультэт сталовая БТНУ забяспечвае трохразовым штодзённым харчаваннем, а кормяць тут, скажам прама, смачна і дастаткова. Жывём мы ва ўніверсітэцкім інтэрнаце з усімі жыццёва неабходнымі дабротамі ў пакоях па два-тры чалавекі. Вучыцца тут цікава і весела, але вайсковую дысцыпліну ніхто не адмяняў. І ў нарады ходзім, і на пастраенне не спазняемся, але з такіх дробязяў і развіваецца тая самая загартоўка, якая нам і па службе, і па жыцці не раз спатрэбіцца. І на парады ходзім, і тэатры Мінска наведваем, у нас яшчэ шмат чаго наперадзе!
Вадзім КУХАРЧЫК,
курсант 3 курса
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
