2024 год указам Прэзідэнта Рэспублікі Беларусь Аляксандра Лукашэнкі афіцыйна абвешчаны Годам якасці.
Аляксандр Рыгоравіч адзначыў, што ў новым годзе важна зрабіць акцэнт на павышэнні канкурэнтаздольнасці Беларусі на сусветным рынку непасрэдна праз беражлівыя і прадуманыя адносіны да нашых рэсурсаў. І вельмі важна, каб кожны рэсурс, любая чалавечая праца былі выкарыстаны разумна і па прызначэнні.
Цікава было даведацца, чаго ад Года якасці чакаюць жыхары Дзятлаўшчыны?
Алена Круглова, дырэктар Новаяльнянскай сярэдняй школы, намеснік старшыні Савета раённага аддзялення партыі “Белая Русь”:
– Кваліфікаваныя кадры на вытворчасці, таленавітыя дактары, педагогі, інжынеры, якасная прадукцыя – усяго гэтага немагчыма дасягнуць без якаснай адукацыі.
Знішчэнне любой нацыі не патрабуе атамных бомбаў ці выкарыстання ракет далёкага радыусу дзеяння. Дастаткова знізіць якасць адукацыі.
У наш няпросты час Беларусі для фарміравання трывалага падмурка ўстойлівасці патрабуюцца не толькі адукаваныя, прадпрымальныя, кампетэнтныя кадры, але і высокамаральныя асобы, якія валодаюць развітым узроўнем адказнасці за лёс сваёй Айчыны. На мой погляд, першаснае значэнне маюць імкненне грамадзян прынесці максімум карысці сваёй дзяржаве і ўменне якасна выконваць даручанае заданне. Пры ўсім гэтым прыярытэт павінен быць перш за ўсё за якасцю.
Як раней адзначаў кіраўнік дзяржавы: “Калі не будзем займацца сваімі дзецьмі мы – імі зоймуцца чужыя настаўнікі. І тады ў гісторыі незалежнай Беларусі, якую павінны прадоўжыць нашы дзеці, можам паставіць кропку”. У 2024 годзе і надалей наша мэта – прадоўжыць удасканаленне сістэмы адукацыі, каб своечасова ўхіліць недахопы, зрабіць навучальны працэс больш зразумелым і цікавым, сістэму кантролю ведаў больш аб’ектыўнай, што дазволіць стварыць спрыяльныя ўмовы для прафесійнага станаўлення і развіцця моладзі Беларусі, бо ад стану адукацыйнай сістэмы ў многім залежыць будучыня дзяржавы, яе эканамічнае развіццё, узровень дабрабыту, сацыяльная стабільнасць.
Прэзідэнт неаднаразова падкрэсліваў, што кожнаму на сваім месцы неабходна “якасна рабіць даручаную справу і належным чынам выконваць грамадзянскія абавязкі”.
Я ўпэўнена: калі якасць адукацыі, навукі і культуры будзе высокай, то канкурэнтаздольнасць Беларусі на сусветных рынках будзе толькі расці.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
