Верасень 2023 года стаў самым цёплым у Беларусі за апошнія 78 гадоў. Прырода падарыла нам не толькі дадатковы месяц лета, але і “адцягнула” пачатак ацяпляльнага сезона.
Аднак ужо з надыходам кастрычніка ў краіне ўсталяваліся досыць прахалодныя дні з пераменнай воблачнасцю і моцнымі парывамі ветру, у сувязі з чым распараджэннем Дзятлаўскага раённага выканаўчага камітэта на тэрыторыі раёна праведзена ўключэнне сістэм ацяплення.
Бывае, што ў перыяд уключэння сістэм ацяплення ўзнікаюць аварыйныя сітуацыі, такія як парывы цеплавых сетак.
У сувязі з гэтым Дзятлаўская раённая энергагазінспекцыя нагадвае аб абавязковым выкананні мераў бяспекі па папярэджанні цеплатраўматызму.
ЗАБАРАНЯЕЦЦА:
* спускацца ў адкрытыя цеплавыя камеры, студні, каналы;
* спускацца і перасякаць у неабсталяваных месцах траншэі, каналы, дзе вядуцца работы па пракладцы або рамонце цеплавых сетак;
* набліжацца да прамывін, якія ўтвараюцца ў месцах парываў трубаправодаў бліжэй, чым на 5 метраў;
* дакранацца да трубаправодаў пары і гарачай вады. Неабходна памятаць, што тэмпература гарачай вады можа дасягаць 120 °С, а пары – 300 °С;
* хадзіць, пералазіць праз трубаправоды надземнай пракладкі ў месцах, не абсталяваных пераходнымі масткамі;
* знаходзіцца ў непасрэднай блізкасці ад запорнай, ахоўнай арматуры, фланцавых злучэнняў трубаправодаў;
* круціць засаўкі, вентылі і краны на любых трубаправодах;
* пранікаць у памяшканні цэнтральных, індывідуальных цеплавых пунктаў, а таксама ў памяшканні кацельняў;
* набліжацца да месцаў, дзе вядуцца работы па рамонце цеплавых сетак і праводзяцца зварачныя работы.
Пры выяўленні якіх-небудзь парушэнняў у рабоце цеплаўстановак, вонкавых цеплавых сетак, у тым ліку ўцечак сеткавай вады, інтэнсіўных выпарэнняў, правалаў грунту, фактаў адсутнасці накрывак на люках назіральных калодзежаў неабходна неадкладна паведамляць пра гэта ў дыспетчарскія службы энергазабяспечвальных арганізацый.
Памятайце, што любы від энергіі пры няправільным яе выкарыстанні тоіць у сабе патэнцыйную небяспеку, праяўляйце абачлівасць і асцярожнасць.
Таццяна ГЛУБОКАЯ,
дзяржаўны інспектар па энергетычным і газавым наглядзе
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
