Кантроль за выкананнем заканадаўства пры распараджэнні дзяржаўнай маёмасцю ажыццяўляецца Камітэтам дзяржаўнага кантролю.
У мэтах удасканалення парадку распараджэння дзяржаўнай маёмасцю, Кіраўніком дзяржавы 19.09.2022 года падпісаны ўказ №330 “Аб распараджэнні дзяржаўнай маёмасцю”, згодна з якім парадак спісання дзяржаўнай маёмасці вызначаецца Саветам Міністраў Рэспублікі Беларусь – у дачыненні да маёмасці, якая знаходзіцца ва ўласнасці Рэспублікі Беларусь, мясцовымі Саветамі дэпутатаў – у дачыненні да маёмасці, якая знаходзіцца ў камунальнай уласнасці.
У Гродзенскай вобласці ў дачыненні да маёмасці, якая знаходзіцца ў камунальнай уласнасці, парадак спісання вызначаны рашэннямі адпаведных мясцовых Саветаў дэпутатаў, якімі зацверджаны інструкцыі аб парадку спісання маёмасці, якая знаходзіцца ва ўласнасці адпаведнага раёна.
Маёмасць можа быць спісана: калі яна не адпавядае абавязковым для захавання тэхнічным нарматыўным прававым актам; калі налічаная на яе амартызацыя складае 100 працэнтаў або скончыўся нарматыўны тэрмін службы; у выпадку яе страты (гібелі), у тым ліку ў сувязі з надзвычайнымі абставінамі (пажар, аварыя, стыхійнае бедства, дарожна-транспартнае здарэнне і іншае); калі яна падлягае зносу (дэмантажу) ва ўстаноўленым парадку ў сувязі з будаўніцтвам новых аб’ектаў або правядзеннем работ па мадэрнізацыі (рэканструкцыі); у іншых выпадках, асабліва ў сувязі з яе фізічным зносам.
У адпаведнасці з інструкцыямі спісанне нерухомай маёмасці ажыццяўляецца па рашэнні: райвыканкама – у дачыненні да маёмасці, замацаванай на праве аператыўнага кіравання за райвыканкамам; камунальных юрыдычных асоб – у дачыненні да маёмасці, замацаванай за імі на праве гаспадарчага вядзення або аператыўнага кіравання, па ўзгадненні з райвыканкамам.
Адпаведна, калі ў камунальнага прадпрыемства ўзнікла неабходнасць у спісанні маёмасці, яно павінна кіравацца рашэннем адпаведнага мясцовага Савета дэпутатаў, і калі такое рашэнне прадугледжвае ўзгадненне спісання маёмасці з мясцовым выканкамам – то вырабіць такое ўзгадненне.
Работы па зносе (дэмантажы) маёмасці, уключаючы пры неабходнасці правядзенне тэхнічнага абследавання, распрацоўку праектнай дакументацыі, ажыццяўляюцца не пазней за шэсць месяцаў з дня прыняцця рашэння аб спісанні маёмасці або ў іншыя тэрміны, вызначаныя праектнай дакументацыяй, але, як правіла, не больш за дванаццаць месяцаў з дня прыняцця рашэння аб спісанні маёмасці.
Разам з тым як паказвае практыка пры правядзенні праверачных мерапрыемстваў штогод устанаўліваецца шэраг парушэнняў пры спісанні дзяржаўнай маёмасці.
Так, пры правядзенні комплексных праверак Ашмянскага і Астравецкага раёнаў былі ўстаноўлены факты спісання і дэмантаж аб’ектаў, якія знаходзяцца ў камунальнай уласнасці, без узгаднення з мясцовымі выканаўчымі і распарадчымі органамі, а таксама выканання не ў поўным аб’ёме работ па зносе (дэмантажы) аб’ектаў, па якіх былі прыняты рашэнні райвыканкама аб іх зносе.
Да прыкладу, Ашмянскім РУП ЖКГ у 2021-2022 гг.без атрымання ўзгаднення Ашмянскага райвыканкама дапушчана спісанне з балансу прадпрыемства і разборка цалкам самартызаваных шасці аб’ектаў нерухомасці, якія знаходзіліся ва ўласнасці раёна. Аналагічна без атрымання ўзгаднення Ашмянскага райвыканкама дапушчана спісанне з балансу КСУП “Кракоўка” пяці аб’ектаў нерухомасці, КРСУП “Эксперыментальная база “Баруны” – двух аб’ектаў нерухомасці.
Да снежня 2022 года КСУП “Гудагай” Астравецкага раёна не быў зроблены дэмантаж зернесушылкі М-819, якая знаходзіцца ў Гаспадарчым падпарадкаванні, рашэнне Астравецкага райвыканкама аб зносе якой прынята ў снежні 2020 года, КСУП “Міхалішкі” не былі прыняты меры па поўным дэмантажы (меліся рэшткі падмурка і кутніх слупоў) будынка хлява для захоўвання грубых кармоў, які знаходзіцца ў гаспадарчым вядзенні прадпрыемства, рашэнне Астравецкага райвыканкама аб зносе якога было прынята ў лістападзе 2021 года.
Камітэт дзяржаўнага кантролю Гродзенскай вобласці звяртае ўвагу, што ў адпаведнасці з Кодэксам Рэспублікі Беларусь аб адміністрацыйных правапарушэннях за парушэнне заканадаўства аб распараджэнні дзяржаўнай маёмасцю, якое пацягнула выбыццё маёмасці з дзяржаўнай уласнасці часткай 2 артыкула 24.17 прадугледжана адказнасць у выглядзе накладання штрафу ў памеры ад дзесяці да трыццаці базавых велічынь, а на юрыдычную асобу – ад двухсот да тысячы базавых велічынь.
Кантроль за выкананнем заканадаўства пры распараджэнні дзяржаўнай маёмасцю Камітэтам будзе працягнуты.
Таццяна СЛАБЫШ,
намеснік старшыні Камітэта дзяржаўнага кантролю Гродзенскай вобласці
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
