У Беларусі 1 жніўня стартавала дабрачынная моладзевая акцыя ГА “БРСМ” “У школу з “Добрым Сэрцам”, якая прадоўжыцца да 5 верасня.
– Дэвіз маладых валанцёраў – рабіць добрыя справы для тых, каму яны асабліва неабходны, таму не першы год Беларускі рэспубліканскі саюз моладзі выступае з ініцыятывай і з’яўляецца арганізатарам гэтай дабрачыннай акцыі, – расказала першы сакратар раённага камітэта ГА “БРСМ” Кацярына Хілімончык. – У рамках яе валанцёрскія атрады і актывісты нашага моладзевага аб’яднання арганізуюць збор і перадачу канцылярскіх і спартыўных рэчаў, абутку, вопраткі і ўсяго неабходнага для падрыхтоўкі да новага навучальнага года маючым патрэбу ў падтрымцы шматдзетным, няпоўным сем’ям, сем’ям, а таксама якія трапілі ў складаную жыццёвую сітуацыю і адчуваюць цяжкасці пры падрыхтоўцы дзяцей да школы, дзіцячым інтэрнатным установам.
Моладзевы лідар таксама анансавала, што пункт збору такіх рэчаў арганізаваны ў офісе раённага моладзевага аб’яднання па адрасе: г. Дзятлава, вул. Леніна, 18 (будынак райвыканкама), кабінет 313.
Падарыць дабро тым, хто сапраўды мае патрэбу, нескладана, далучайцеся.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
