Тэматычная акцыя “Наш падарунак да юбілею” крочыць па вуліцах Дзятлава.
Паўдзельнічаць у ёй і пакінуць добры след у гісторыі райцэнтра можа любы жадаючы.
“Я люблю Дзятлава” – расказвае зялёна-чырвоная кампазіцыя з літар у цэнтральным парку. Яе падарыла гораду Дзятлаўскае РУП ЖКГ.
Як адзначыў яго кіраўнік Васіль Пяцюк, кампазіцыю заказалі ў Мінску, для яе ўстаноўкі ў парку залілі бетонную аснову. Васіль Васільевіч падзяліўся інфармацыяй, што кампазіцыя будзе аздоблена светадыёднымі лямпачкамі, якія будуць асвятляць надпіс у цёмны час сутак. Заўтра работы па мантажы будуць завершаны, але цікаўныя дзятлаўчане ўжо сёння робяць сэлфі і сторызы з новым цікавым аб’ектам.
Камунальнікі просяць землякоў ставіцца да падарунка разумна і беражліва: фатаграфавацца побач – калі ласка, а вось наступаць або залазіць наверх – ні ў якім разе. За тым, каб аб’ект заставаўся цэлым і прыгожым, будуць сачыць не толькі пільныя суседзі па вуліцы Міцкевіча, але і дзве відэакамеры, накіраваныя на кампазіцыю.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
