У першы дзень новага года сваё прафесійнае свята адзначылі банкаўскія і фінансавыя работнікі.
З гэтай нагоды намеснік старшыні райвыканкама Вольга Жэлезоўская наведала Цэнтр банкаўскіх паслуг № 422 у горадзе Дзятлаве рэгіянальнай дырэкцыі па Гродзенскай вобласці ААТ “Белаграпрамбанк”, каб уручыць яго работнікам заслужаныя ўзнагароды.
Вольга Антонаўна павіншавала калектыў Цэнтра са святам:
– Паважаныя работнікі банка! Ад імя райвыканкама хачу павіншаваць вас з прафесійным святам. Ваша работа вельмі цікавая і дастойная: вы займаецеся абслугоўваннем як з грамадзян, так і прадпрыемстваў, якія вельмі цэняць супрацоўніцтва з вамі. Сіламі свайго невялікага, але граматнага і працавітага калектыву вы выконваеце вялікі спектр функцый, трымаеце высокую планку якасці паслугаў для сваіх кліентаў. Шчыра жадаю вам і вашым сем’ям міру, здароўя, дабрабыту, удачы і поспехаў у справах.
За вытворчыя поспехі і з нагоды прафесійнага свята Падзячным лістом старшыні Дзятлаўскага райвыканкама былі адзначаны начальнік сектара карпаратыўнага бізнесу Таццяна Татарчык, спецыялісты па абслугоўванні прыватных кліентаў Марыя Томчык і Таццяна Лічык.
Начальнік падраздзялення Сяргей Клімко далучыўся да віншаванняў і падзякаваў свайму калектыву за зладжаную плённую работу.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
