Палавая недатыкальнасць – гэта прававая абароненасць ад сесуальнага замаху, поўная забарона на ўчыненне дзеянняў сэксуальнага характару ў адносінах да іншай асобы.
Паняцце тычыцца асобаў, якія не дасягнулі шаснаццаці гадоў.
Злачынствы супраць палавой свабоды і недатыкальнасці непаўналетніх з’яўляюцца грамадска небяспечнай з’явай і ўяўляюць сабой адну з найбольш небяспечных формаў антысацыяльных паводзінаў.
Шкода, нанесеная дзіцяці з-за гвалтоўных злачынстваў, прыводзіць да адхіленняў у яго маральным і псіхафізічным развіцці, становіцца пагрозай для будучыні. Выніковасць папярэджання і прафілактыкі такіх злачынстваў ускладняецца шматлікімі абставінамі, сярод якіх:
– псіхалогія і фізіялогія непаўналетніх: часта дзеці проста не ўсведамляюць, што над імі ўчынены гвалт, або ўтойваюць гэта ўсімі магчымымі спосабамі, баючыся адмоўнай рэакцыі з боку бацькоў і блізкага акружэння;
– прамая залежнасць пацярпелых непаўналетніх ад злачынцы: вінаваты можа выкарыстоўваць усе магчымыя сродкі для таго, каб пра злачынства ніхто не даведаўся.
Палавая свабода і недатыкальнасць – гэта складальнікі канстытуцыйна-прававога статусу асобы і гарантуюцца Канстытуцыяй Рэспублікі Беларусь.
Да злачынстваў супраць палавой свабоды і недатыкальнасці адносяць гвалт; гвалтоўныя дзеянні сексуальнага характару; палавыя зносіны і іншыя дзеянні сексуальнага характару з асобай, якая не дасягнула шаснаццацігадовага ўзросту; распусныя дзеянні; прымус да дзеянняў сексуальнага характару.
Крымінальным заканадаўствам прадугледжваецца адказнасць за падобныя замахі ў дачыненні да асобы, якая не дасягнула шаснаццацігадовага ўзросту, прычым і ў тых выпадках, калі яны ўчынены без падаўлення свабоды і волі пацярпелага шляхам фізічнага або псіхічнага гвалту і без выкарыстання бездапаможнага стану падлетка, гэта значыць, з добраахвотнай згоды пацярпелага (пацярпелай).
Учыненне такіх дзеянняў нават па ўзаемнай згодзе караецца крымінальным заканадаўствам для таго, хто ўжо дасягнуў 18-гадовага ўзросту. Прычым ступень палавой даросласці, папярэднія паводзіны, наяўнасць сексуальных кантактаў у мінулым і іншыя падобныя абставіны, якія характарызуюць пацярпелую (пацярпелага), не маюць значэння для кваліфікацыі ўчынка.
Міліцыя просіць жыхароў раёна не заставацца раўнадушнымі да праблемы. Калі стала вядома пра злачынства палавой скіраванасці ў дачыненні да непаўналетніх, неадкладна паведаміце ў групу наркакантролю і супрацьдзеяння гандлю людзьмі АУС Дзятлаўскага райвыканкама па тэлефоне 8-01563-2-15-34. Ананімнасць гарантуецца.
Валерый БАРОЎСКІ,
старшы оперупаўнаважаны групы наркакантролю і супрацьдзеяння гандлю людзьмі АУС Дзятлаўскага райвыканкама
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
