У наркабізнесе новы трэнд: гандляры забароненымі рэчывамі ўсё часцей у “закладчыкі” вярбуюць падлеткаў.
У тэлеграм-каналах з’явіліся аб’явы аб рабоце, дзе абяцаюць “казачныя” грошы. Персанал па падборы кадравага апарата інтэрнэт-магазінаў, якія распаўсюджваюць наркотыкі, адпраўляе паведамленні з прапановай працаўладкавання ў сацсетцы “Telegram” або “ВКонтакте”. Ёсць некалькі відаў такіх смс: прапануецца нібыта легальная работа (фотарэдактарам, кур’ерам і г. д.), звязаная з “непарушэннем закона”, або канкрэтна пішацца, што трэба пераступіць закон. Але, бачачы лічбы, якія тычацца зарплаты, людзі, тым больш падлеткі, “губляюць” галаву і не спыняюцца ні перад чым. Думаюць, паспрабуюць адзін-два разы, заробяць грошай і больш не будуць. Але больш двух месяцаў ніхто з “закладчыкаў” наркотыкаў не працуе. Лёгкія і вялікія грошы – магчымасць хутка трапіць за краты. Прычым гадоў на 6 мінімум.
Калі прыйшло такое паведамленне, не трэба ўступаць у перапіску, а паведаміць пра смс бацькам або педагогам, якія павінны перадаць гэтую інфармацыю ў міліцыю для далейшага правядзення праверкі. Падлеткавы ўзрост – самы ўразлівы, калі хочацца самастойна зарабіць, прычым адразу шмат грошай. Спакуса вялікая, але і пакаранне чакае страшнае.
Цяпер усімі суб’ектамі прафілактыкі вядзецца работа па раннім выяўленні асобаў, якія маюць дачыненне да незаконнага абароту наркотыкаў, папярэджанні злачынстваў і недапушчэнні ўключэння ўсіх непаўналетніх. Раскрывальнасць складае практычна 90 %.
Статыстыка: за 7 месяцаў 2022 года супрацоўнікамі наркакантролю па лініі незаконнага абароту наркотыкаў і процідзеяння гандлю людзьмі выяўлена 115 злачынстваў, з іх 88 датычацца наркотыкаў.
Валерый БАРОЎСКІ,
оперупаўнаважаны групы наркакантролю і супрацьдзеяння гандлю людзьмі АУС Дзятлаўскага райвыканкама
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
