У Дзятлаўскім раённым цэнтры культуры і народнай творчасці адбыўся святочны канцэрт, прымеркаваны да Дня медыцынскіх работнікаў.
Людзей гэтай высакароднай прафесіі павіншаваў старшыня райвыканкама Андрэй Садоўскі:
– Шаноўныя медыкі, у вашых руках самае дарагое – жыццё і здароўе людзей. Мы вам бясконца ўдзячныя за вашу працу. Хачу пажадаць, каб вы і вашы блізкія былі заўжды здаровыя, вас акружалі дастойныя людзі, цанілі пацыенты. З боку раённага выканаўчага камітэта мы заўжды будзем вас падтрымліваць. Вялікае вам дзякуй!
Кіраўнік раёна перадаў галоўнаму доктару Дзятлаўскай раённай бальніцы сертыфікат на 15 тысяч рублёў для паляпшэння матэрыяльнай базы ўстановы. Таксама ён уручыў заслужаныя ўзнагароды.
Ганаровыя граматы Дзятлаўскага райвыканкама атрымалі намеснік галоўнага доктара Алена Якубоўская, інжынер па метралогіі гаспадарча-абслугоўваючага персаналу Алег Навумавец;
Падзячны ліст старшыні Дзятлаўскага райвыканкама – бухгалтар Валянціна Камарова, медыцынская сястра па фізіятэрапіі Наталля Цымбал, фельчар-лабарант Тамара Гуз.
Ганаровымі граматамі Дзятлаўскага раённага Савета дэпутатаў былі адзначаны доктар ультрагукавой дыягностыкі (загадчыца кабінета) Кацярына Іода, медыцынская сястра (яслі-сад) Гезгалаўскай амбулаторыі Людміла Урбановіч;
Падзячным лістом раённага Савета дэпутатаў – загадчык гаспадаркі Казлоўшчынскай гарадской бальніцы Дзмітрый Малочка, малодшая медыцынскай сястра тэрапеўтычнага аддзялення № 1 Алена Лямдзьянава.
Далучыўся да віншаванняў і падзякаваў медыкам за самаадданую працу ў барацьбе з каранавіруснай інфекцыяй намеснік старшыні райвыканкама, старшыня раённай арганізацыі ГА “Белая Русь” Ігар Кухарэвіч. Ён уручыў медыкам памятныя падарункі.
Словы віншавання і падзякі сваім калегам адрасаваў галоўны доктар Дзятлаўскай ЦРБ Алег Анцух, а таксама ўручыў абласныя ўзнагароды: Ганаровую грамату ўпраўлення аховы здароўя Гродзенскага аблвыканкама – медыцынскай сястры райпаліклінікі Таісе Крывеня, медыцынскай сястры тэрапеўтычнага аддзялення Казлоўшчынскай гарадской бальніцы Марыне Макарчык;
Падзяку начальніка галоўнага ўпраўлення аховы здароўя Гродзенскага аблвыканкама – доктару агульнай практыкі тэрапеўтычнага кабінета райпаліклінікі Ніне Блашынскай, загадчыцы планава-эканамічнага сектара Вользе Лялей, медыцынскай сястры прыёмнага аддзялення Вользе Багдзель;
Грамату Гродзенскага аблвыканкама – доктару стаматолагу-хірургу Мікалаю Мікулічу.
Свае лепшыя песні медыцынскім работнікам дарылі артысты Дзятлаўшчыны Ганна Харлінская, Сяргей Малышчык, Таццяна Шостка, Андрэй Добыш, Аляксандр Баклушын, Іна Анушкевіч і запрошаны госць Дзяніс Пацэвіч.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
