У Дзятлаўскім райвыканкаме адбылося абмеркаванне праекта “Схема комплекснай тэрытарыяльнай арганізацыі Дзятлаўскага раёна”, у якім удзельнічалі прадстаўнікі адміністрацыі раёна і зацікаўленых службаў.
Праект, падрыхтаваны ўнітарным прадпрыемствам “Беларускі дзяржаўны навукова-даследчы і праектны інстытут горадабудаўніцтва” па заданні Міністэрства архітэктуры і будаўніцтва Рэспублікі Беларусь, прэзентавала вядучы інжынер інстытута Таццяна Русаненка.
Праект прадугледжвае тэрытарыяльную арганізацыю раёна, якая паспрыяе ўстойліваму і канкурэнтаздольнаму функцыянаванню яго тэрыторый і населеных пунктаў, павышэнню эфектыўнасці кіравання. Дакумент дапаможа наладзіць ўзаемазвязанае функцыянаванне раёна, горада Дзятлава, пасёлкаў Наваельня і Казлоўшчына.
Рэалізацыя праекта прадугледжана ў два этапы – да 2025 і да 2035 года.
Па завяршэнні даклада былі абмеркаваны яго ключавыя моманты, прысутныя атрымалі копію праекта, каб дэталёва пазнаёміцца з ім. На працягу месяца дакумент будзе дапрацаваны з улікам заўваг і дапаўненняў ад дзятлаўчан і зацверджаны.
Наталля АВЯРЧУК
