Старшыня Дзятлаўскага раённага выканаўчага камітэта – пра Асноўныя палажэнні праекта Праграмы сацыяльна-эканамічнага развіцця краіны на 2021-2025 гады.
Пашырэнне магчымасцяў для малога і сярэдняга бізнесу, узмацненне сацыяльнай абароны грамадзян, будаўніцтва сядзібнага жылля і прывабнасць рэгіёну.Арыенціры, закладзеныя ў Асноўных палажэннях праекта Праграмы сацыяльна-эканамічнага развіцця краіны на 2021-2025 гады, Дзятлаўскі раён не толькі падтрымлівае, але і накіруе ўсе намаганні для іх дасягнення.
Пра тое, што чакае раён у новай пяцігодцы, наша размова са старшынёй Дзятлаўскага райвыканкама Андрэем Садоўскім.
– Андрэй Уладзіміравіч, з якімі вынікамі раён завяршыў папярэднюю пяцігодку?
– У раёне праведзена значная работа па прыцягненні інвестыцый, умацаванні матэрыяльна-тэхнічнай базы, мадэрнізацыі і тэхнічным пераўзбраенні вытворчасцей прадпрыемстваў раёна. Дасягнуты чаканыя вынікі рэалізацыі мерапрыемстваў па садзейнічанні занятасці насельніцтва. Штогод павялічваецца экспартны патэнцыял прадпрыемстваў раёна. Сальда знешняга гандлю па таварах і паслугах Дзятлаўскага раёна на працягу апошняй пяцігодкістаноўчае і мае тэндэнцыю да штогадовага павелічэння. Асаблівая роля ў сферы эканомікі раёна адводзіцца сельскай гаспадарцы. Стабілізавалася развіццё жывёлагадоўчай галіны. Пэўнае развіццё атрымала сацыяльная сфера. Лічу, што мінулую пяцігодку мы завяршылі годна і гэта стане добрым зачынам на будучую.
– Рэгіянальнаму развіццю ў Асноўных палажэннях праекта Праграмы сацыяльна-эканамічнага развіцця краіны на 2021-2025 гады прысвечаны асобны раздзел, і ключавым у ім з’яўляецца павышэнне якасці жыцця людзей, прывабнасць рэгіёнаў для жыцця і працы. А гэта, магчыма, новыя праекты, прыцягненне новых інвестыцый, адкрыццё новых прадпрыемстваў …
– Цалкам згодны, што рэгіёны павінны актыўна развівацца, паколькі без гэтага не можа быць эфектыўнай эканомікі, а значыць і паляпшэння жыцця людзей. Акцэнт у прагнозе развіцця раёна на 2021 год мы робім, у першую чаргу, на інвестыцыях, даходах і занятасці насельніцтва. У ліку найбольш значных інвестыцыйных праектаў – будаўніцтва 72-кватэрнага жылога дома па вуліцы Навагрудскай у горадзе Дзятлаве. Вялікае значэнне для нас мае і наяўнасць на тэрыторыі раёна двух санаторыяў “Радон” і “Альфа-Радон”, нашых жамчужын, дзякуючы якім Дзятлаўшчына прыцягвае сваёй прывабнасцю. Гэты патэнцыял мы і ў далейшым будземраскрываць, развіваючы тэму ўнутранага і знешняга турызму. У лютым-сакавіку бягучага года запланавана здаць у эксплуатацыю корпус № 4 санаторыя “Радон”, пасля чаго будзе працягнута будаўніцтва галерэі, якая злучыць гэты корпус з галоўным. Актуальнымі застаюцца інвестыцыйныя прапановы па будаўніцтве аўтамыйкі, аб’ектаў пад дрэваапрацоўчую вытворчасць і прыдарожнага сэрвісу. Гэтыя прапановы, я лічу, могуць стаць добрымі магчымасцямі для развіцця малога і сярэдняга бізнесу.
— Андрэй Уладзіміравіч, адзін з чатырох базавых прыярытэтаў развіцця Беларусі на бліжэйшую пяцігодку распрацоўшчыкі дакумента сфармулявалі як “Шчаслівая сям’я” …
– Сацыяльна-арыентаваная накіраванасць развіцця нашай дзяржавы ўжо апраўдала сваю эфектыўнасць. Шчаслівая сям’я – гэта камфортнае жыллё, добрая адукацыя, медыцынскае, сацыяльнае абслугоўванне, клопат пра старых і дзецей, стварэнне ўмоў для правядзення сумеснага вольнага часу, заняткаў спортам і, вядома ж, сямейныя традыцыі, перадача з пакалення ў пакаленне сямейных каштоўнасцяў, тых кітоў, на якіх трымаецца наша грамадства. У нашым раёне гэтым напрамкам надавалася і будзе надавацца самая пільная ўвага. Больш за 60% бюджэтных сродкаў інвестуюцца ў сацыяльную сферу: накіроўваюцца на падтрымку моладзі, грамадзян, якія апынуліся ў цяжкай жыццёвай сітуацыі, шматдзетных і малазабяспечаных сем’яў, стварэнне безбар’ернага асяроддзя для людзей з абмежаванымі магчымасцямі, удасканаленне пенсійнай сістэмы, сістэмы адукацыі, культурнага абслугоўвання, спорту. Разам з гэтым у раёне з’явіліся новыя культурныя праекты, адзін з якіх – “Зецельскі фэст”, які стаў нашым брэндам і заваяваў папулярнасць у дзятлаўчан і гасцей горада. У будучай пяцігодцы, падтрымліваючы ідэю будаўніцтва арэнднага і шматкватэрнага жылля,больш увагі нададзім будаўніцтву сядзібнага жылля. Быць бліжэй да прыроды, выхоўваць дзяцей на свежым паветры, атрымліваць асалоду ад сумеснага адпачынкуў коле сям’і – што можа быць лепшым, тым больш, што наш раён сельскі і нашы людзі прывыклі жыць і працаваць на зямлі.
– Андрэй Уладзіміравіч, Вы абраныя дэлегатам на Усебеларускі народны сход …
– Усебеларускаму народнаму сходу папярэднічала вялікая праца – гэта і праца дыялогавых пляцовак, грамадскіх прыёмных, збіраліся і абмяркоўваліся прапановы з розных сфер жыццядзейнасці. Усе яны абумоўлены нашымі сённяшнімі рэаліямі. Таму я думаю, што адбудзецца сапраўдны канструктыўны дыялог, сутнасць якога стане мэтавай устаноўкай на бліжэйшыя пяць гадоў.
VI Усебеларускі народны сход пройдзе 11-12 лютага ў Мінску. На абмеркаванне ўдзельнікаў будуць вынесены асноўныя палажэнні Праграмы сацыяльна-эканамічнага развіцця Беларусі на 2021-2025 гады і напрамкі грамадска-палітычнага развіцця краіны. Агульная колькасць удзельнікаў і запрошаных складзе 2,7 тысячычалавек. Гродзенскую вобласць прадставяць 310 чалавек, Дзятлаўскі раён– 10 чалавек.
Наталля КАЛОДКА
