На пастаянным кантролі ў Камітэце дзяржаўнага кантролю Гродзенскай вобласці знаходзіцца сітуацыя на спажывецкім рынку.
Вынікі маніторынгу за забеспячэннем стабільнай сітуацыі на спажывецкім рынку разгледжаны на пасяджэнні калегіі Камітэта вобласці.
Было адзначана, што ў красавіку 2020 года да красавіка мінулага года тэмп росту рознічнага тавараабароту склаў толькі 94,7 %, а тавараабарот грамадскага харчавання знізіўся практычна напалову.
У першым квартале 2020 года назіралася зніжэнне долі продажаў айчынных тавараў. Асобнымі суб’ектамі гандлю не забяспечвалася выкананне рэгулюемых у адпаведнасці з заканадаўствам цэн. Устаноўлены факты прымянення гандлёвых надбавак, якія практычна ў тры разы перавышаюць іх гранічны памер пры рэалізацыі сродкаў дэзынфекцыі, сацыяльна значных тавараў.
У большасці правераных Камітэтам дзяржкантролю вобласці аб’ектаў выяўлены парушэнні, асноўныя з якіх: парушэнне правілаў гандлю, рэалізацыя тавараў па завышаных цэнах, незахаванне патрабаванняў санітарных нормаў і правілаў.
У аб’ектах грамадскага харчавання, у тым ліку прызначаных для харчавання навучэнцаў, таксама дапускаліся шматлікія парушэнні.
У ходзе калегіі пазначаны наяўныя на спажывецкім рынку вобласці праблемы, дадзены даручэнні дзяржаўным органам, арганізацыям па іх ліквідацыі і прыняцці дадатковых мер па забеспячэнні стабільнай сітуацыі.
Наталля КРЫВІЦКАЯ,
намеснік старшыні Камітэта дзяржаўнага кантролю Гродзенскай вобласці
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
