Непасрэдным фактарам, які аказвае ўплыў на павелічэнне прадукцыі раслінаводства, з’яўляецца рост ураджайнасці сельскагаспадарчых культур, дзе вядучым звяном устойлівага забеспячэння збожжа з’яўляюцца азімыя збожжавыя культуры, якія, як паказалі засушлівыя ўмовы 2018 года, гарантавана даюць больш высокія ўраджаі за кошт эфектыўнага выкарыстання назапашаных да пачатку вегетацыі запасаў вільгаці і пажыўных рэчываў.
Пры гэтым, як паказалі праведзеныя спецыялістамі Камітэта дзяржаўнага кантролю Гродзенскай вобласці кантрольна-аналітычныя мерапрыемствы, не ўсе сельскагаспадарчыя арганізацыі ідуць па прынцыпе павелічэння плошчы сяўбы азімых збожжавых культур і іх сяўбы ў аптымальныя агратэхнічныя тэрміны.
Існуюць факты скажэння аператыўнай справаздачнасці і ажыццяўленне сяўбы азімых збожжавых культур не ў аптымальныя агратэхнічныя тэрміны.
Камітэтам дзяржаўнага кантролю Гродзенскай вобласці будзе працягнуты кантроль за завяршэннем усіх відаў асенне-палявых работ.
Наталля КРЫВІЦКАЯ,
намеснік старшыні Камітэта дзяржкантролю Гродзенскай вобласці
