Летняе аздараўленне школьнікаў
Актыўна, весела і па-спартыўнаму карысна праводзяць час выхаванцы спартыўна-аздараўленчага летніка “Алімпіец” пры Дзятлаўскай дзіцяча-юнацкай спартыўнай школе. Нагадаем, што летнік працуе на базе сярэдняй школы №3. Карэспандэнтка газеты “Перамога” наведалася ў адзін з дзён змены летніка і пабыла на правядзенні вучэбна-трэніровачных заняткаў па розных відах спорта: футболу, дартсу, піянерболу.
На працягу ўсяго перыяду работы летніка выхавальнікі арганізуюць штодзённыя трэніроўкі па ўдасканаленні спартыўнага майстэрства дзяцей у час летняга адпачынку. Трэнеры-выкладчыкі дзіцяча-юнацкай спартыўнай школы Уладзімір Ганчар і Аляксандр Лямдзьянаў рыхтуюць дзяцей да ўдзелу ў раённай спартакіядзе, якая хутка пройдзе на стадыёне “Колас”. Яны арганізавалі футбольную эстафету на спартыўнай пляцоўцы цэнтральнага стадыёна, правялі трэніровачныя заняткі, арганізавалі рухомыя гульні для ўдасканалення элементаў гульні ў футбол.
Аксана АНДАЛЮКЕВІЧ
Стоит почитать:
Главное, чтобы детям нравилось.
Рейтинг комментария:
0
0